МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Расмусен: Земјите од ЕУ не можат да ѝ ја негираат на Македонија иднината што ја..
ЕУ земјите со зелено светло само за Северна Македонија
Северна Македонија за 23 места го подобри рејтингот на Глобалниот индекс на мирот, со..
Сведок тврди дека се прислушувало од канцелариите на директорот на УБК и началникот н..
Регион
Европските избори ја разнишаа позицијата на Борисов

Европските избори ја разнишаа позицијата на Борисов

петок, 31 мај 2019, 16:32ч.   |   Z.H.

 Централната изборна комисија на Бугарија ја објави конечната распределба на 17 мандати во новиот состав на Европскиот парламент. Во ЕП ќе има претставници од пет партии – ГЕРБ, БСП, ДПС, ВМРО-БНД и Демократска Бугарија. Владејачката партија на Бојко Борисов, ГЕРБ, добива шест мандати, а опозициската БСП е на второто место со пет претставници. ДПС ќе има тројца пратеници, а ВМРО – два. Демократска Бугарија испраќа еден претставник во Брисел.

Борјана Димитрова, социолог и управителка во агенцијата „Алфа рисрч“, во разговор за „Денес“, изјави дека резултатите на европските избори ќе влијаат на судбината на партиите.
 
– Едни ќе треба да ги променат стратегиите за да преживеат, други – за да не тргнат по патот надолу токму пред клучните локални избори. Трети ќе мораат да работат на проширување на нивното општествено влијание. Иако во главните партии се задоволни од изборниот резултат, не би требало да се толку наивни и да не ги забележуваат црвените светилки – вели Димитрова.
Според неа, и покрај победата, Борисов нема да може да ја одржи позицијата, без да направи промени во Владата, во распределбата на клучни партиски позиции, без да ја размрда локалната партиска машинерија и да се создаде нов економски импулс во земјата.
 
– Развивањето само преку градежништвото и сообраќајниот сектор повеќе не се доволни. Социјалната инфраструктура и образовен капитал треба да почнат да создаваат вредност, инаку земјата ќе почне да заостанува катастрофално, а ГЕРБ постепено ќе ја губи изборната база. Од друга страна, за да му ја чува позицијата во парламентот од партијата на Каракачанов ќе бараат нови внатрешни поместувања во извршната власт, најверојатно во вториот ешалон – вели Димитрова.
Промената на демографската слика во Бугарија, поради големото иселување на бугарското население, ќе има влијание на идните избори, а најмногу ќе бидат изложени партиите, кои своите програми ги насочуваат кон посиромашниот слој гласачи.
 
– Затоа партиите што се потпираат на средната класа треба императивно да ги менуваат условите и можностите за реализација на образованите млади луѓе, да ја вратат автентичната смисла на граѓанското политичко дејствување и во политичкиот систем на земјата – вели Борјана Димитрова.

© ЖУРНАЛ    ~54,18

НАЈЧИТАНИ ОД РЕГИОН
Гледате ли нешто погрешно - поради ова забрането е фотографијата на оваа матурнтка да се најде на табло
(Видео) Силно невреме ја погоди Србија, паѓаше град со големина на лешник
Убиство среде улица во Србија - незапаметена трагедија утринава
Нов закон: После 17 часот не смее да се наплаќа за лежалки и чадори на плажа
Ова е мајката што си ја уби тригодишната ќерка, па ја фрли од тераса во Белград
Нова страшна несреќа на местото каде изгоре автобусот: Се враќале од погреб па се судриле
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.