МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Мицкоски: Македонија е земја со свои корени, историја, но и земја на која мораме да ј..
Заев: Да го одбележиме епохалното просветителско значење на Светите Кирил и Методиј, ..
Пендаровски: Делата и поуките што ни ги оставија Светите браќа нè обврзуваат да ..
МАКЕДОНИЈА ДОБИ НОВ АМБАСАДОР НА САД: Сенатот го потврди назначувањето на Кејт Брнс з..
Македонија
Грчките пратеници ќе расправаат за новите гранични премини кај Мајден и Маркова нога

Грчките пратеници ќе расправаат за новите гранични премини кај Мајден и Маркова нога

вторник, 14 мај 2019, 09:30ч.   |   Xh.I.

Комисијата за национална безбедност и надворешни прашања во грчкиот Парламент во 10 часот по локално време ќе одржи седница на која ќе ги разгледа нацрт законите доставени од Министерството за надворешни работи на Грција за отворање на новите гранични премини кај Мајден и Маркова нога, како и за подигнувањето на Канцеларијата за врски во Скопје на ниво на амбасада и на Канцеларијата за конзуларни, економски и трговски работи во Битола на ниво на Генерален конзулат, јави дописничката на МИА од Атина.

Нацрт законите произлегуваат од потпишаните договори во Скопје во март и април годинава, а известувачи во Комисијата се пратениците Јоргос Ѕиманис од СИРИЗА и Јоргос Кумуцакос од Нова демократија.

Едниот предлог закон е под наслов „Ратификација на Договорот меѓу Република Грција и Република Северна Македонија во врска со воспоставување нов граничен премин меѓу двете земји, што ќе ги поврзува Промахи во Република Грција со Мајден во Република Северна Македонија“, а вториот под наслов „Ратификација на Договорот меѓу Република Грција и Република Северна Македонија во врска со воспоставување нов граничен премин во регионот на Преспанското езеро и други одредби“.

 Откако нацрт законите ќе добијат зелено светло од надлежната Комисија за национална одбрана и надворешни работи во грчкиот Парламент, потоа ќе бидат доставени за ратификација на пленарна седница во Парламентот.

Нацрт законите доставени во грчкиот Парламент, кои во посебни членови ги вклучуваат потпишаните договори во Скопје, едниот на 8 март 2019, другиот на 2 април 2019, се потпишани од министрите за: надворешни работи Јоргос Катругалос, цивилна заштита Олга Геровасили, финансии Евклидис Цакалотос, транспорт и врски Христос Спирѕис и алтернативната министерка за надворешни работи Сиа Анагностопулу.

Согласно потпишаните договори, за изградбата и отворањето на граничниот премин кај Мајден ќе се користат фондови од Европската унија, а во договорот за граничниот премин кај Преспа, вклучени се и членови за подигање на нивото на Канцеларијата за врски во Скопје во амбасада и на Канцеларијата за конзуларни, економски и трговски работи во Битола на ниво на Генерален конзулат.

Според двата потпишани договори во Скопје, предвидено е да се формира  заедничка Комисија на експерти од двете земји со најмногу девет претставници од секоја страна кои ќе бидат надлежни за техничките и правните теми, за функционирањето на граничните премини и за други прашања од заеднички интерес поврзани со спроведувањето на договорите.

Во рок од 30 дена од стапувањето на сила на договорот, двете страни по дипломатски пат ќе ги разменат листите со членовите на Комисијата, која за прв пат ќе се состане во рок од три месеци по стапувањето на сила на договорот, а ќе одржува состаноци на секои две години.

Ваква комисија е предвидена и за граничниот премин кај Мајден и за граничниот премин кај Маркова нога.

Нацрт законот „Ратификација на Договорот меѓу Република Грција и Република Северна Македонија во врска со воспоставување нов граничен премин меѓу двете земји, што ќе ги поврзува Промахи во Република Грција со Мајден во Република Северна Македонија“¨, содржи три члена, а нацрт законот „Ратификација на Договорот меѓу Република Грција и Република Северна Македонија во врска со воспоставување нов граничен премин во регионот на Преспанското езеро и други одредби“, има седум члена.

МИА во саботата ја пренесе содржината на двата нацрт закони за кои денес ќе дискутираат пратениците од Комисијата за национална одбрана и надворешни прашања.

Нацрт закон за граничниот премин кај Преспа

Согласно потпишаниот договор во Скопје, граничниот премин кај Маркова нога, ќе се користи исклучиво за лица и возила до 5 тони.

Во предлог законот доставен до грчкиот Парламент, членот  1 го содржи во целост, на грчки и англиски јазик,  потпишаниот договор во Скопје, на 8 март 2019 меѓу алтернативната министерка за надворешни работи на Грција, Сиа Анагностопулу и министер за надворешни работи на Северна Македонија, Никола Димитров.

Вториот член од нацрт законот се однесува на одлуките на Заедничката комисија на експерти, согласни членот 3 од потпишаниот договор во Скопје.

Третиот член се однесува на подигањето на нивото на Канцеларијата за врски во Скопје во амбасада и на Канцеларијата за конзуларни, економски и трговски работи во Битола на ниво на Генерален конзулат.

Во овој член 4 и член 5 детално е објаснет составот на персоналот што ќе работи во амбасадата во Скопје и конзулатот во Битола.

Нацрт закон за граничниот премин кај Мајден

Членот  1 го содржи во целост, на грчки и англиски јазик,  потпишаниот договор во Скопје, на 2 април 2019 меѓу алтернативната министерка за надворешни работи на Грција, Сиа Анагностопулу и заменикот министер за надворешни работи на Северна Македонија, Андреј Жерновски.

 Вториот член од нацрт законот се однесува на одлуките на Заедничката комисија на експерти, согласни членот 3 од потпишаниот договор во Скопје.

 Членот 3 од нацрт законот се однесува на стапувањето на сила на законот, откако ќе биде објавен во Службен весник.

За стапување на сила на договорите, предвидена е истата процедура како и за останатите грчки закони, односно гласање во Парламентот, објавување во Службен весник и издавање Претседателски декрет, потпишан од грчкиот претседател.

© ЖУРНАЛ    ~42,14

НАЈЧИТАНИ ОД МАКЕДОНИЈА
Вајгл: Има една незгодна работа за Македонија, а тоа е дека за неа се зборува во пакет со Албанија
Галетановски: Не сум ја навредувал Сиљановска лично, не е моја вина што секој ден има нов гаф
Мајката и двете ќерки целосно изгореле, телото на таткото било изгорено до половина
Ќе се менуваат законите за вработените во јавниот сектор и административните службеници
Анагностопулу: И да победи Сиљановска, на меѓународно ниво нема да направи ништо за Договорот од Преспа
Јахја Кемал: Секоја година пред уписите се шират невистини за нас
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.