МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Мицкоски: Македонија е земја со свои корени, историја, но и земја на која мораме да ј..
Заев: Да го одбележиме епохалното просветителско значење на Светите Кирил и Методиј, ..
Пендаровски: Делата и поуките што ни ги оставија Светите браќа нè обврзуваат да ..
МАКЕДОНИЈА ДОБИ НОВ АМБАСАДОР НА САД: Сенатот го потврди назначувањето на Кејт Брнс з..
Македонија
Османи: Ни се закануваат ризици доколку преговорите со ЕУ се одложат!

Османи: Ни се закануваат ризици доколку преговорите со ЕУ се одложат!

петок, 10 мај 2019, 15:31ч.   |   Xh.I.

Вицепремиерот за европска интеграција, Бујар Османи, вели дека од суштинска важност е преговорите со ЕУ да почнат без одлагање, бидејќи во спротивно постојат ризици и за земјата и за регионот, јавува дописничката на МИА од Брисел.

Османи, кој денеска е во посета на Брисел, предупредува дека политичкиот контекст во Европската Унија е многу непредвидлив поради изборите во ЕУ, но дека е оптимист.

-Тоа што мене ми дава оптимизам е дека нема подобро портфолио од нашето, толку е моќно што тешко се игнорира, и второ дека нема алтернатива. Алтернативата од неуспех на оваа приказна е страшна, порачува вицепремиерот.

“Ризиците“, вели Османи, “се колабирање на сите позитивни процеси што ги има и во државата и во регионот“.

Тој е уверен дека и во европските институции и во земјите членки сите се свесни за овие ризици.

-Ако некој ја одземе таа перспектива, целата стратегија пропаѓа. Тоа е нашиот аргумент, дека оваа приказна е толку моќна, толку ги надминува нашите граници што игнорирањето ќе биде лоша порака и за државата и за регионот и за целата европска идеја, вели за МИА, Бујар Османи.

За административниот капацитет за преговорите, Османи, кој е воедно и главен политички преговарач во овој процес, вели дека темелите се поставени од страна на Владата, иако останува да се донесат уште некои одлуки, како не пример кој ќе биде дел од преговарачката структура. Но, дека главниот поттик за администрацијата и за целото општество ќе дојде кога ќе започнат формално преговорите.

-Ние се подготвуваме цело време, меѓутоа финалните акти што треба да поминат на Влада, во кои што се дефинира, на пример, невладините организации дали ќе бидат во работните групи внатре, по црногорскиот модел, или ќе бидат на страна во процесот, како што е српскиот модел, која ќе биде улогата на СЕП, која ќе биде улогата на другите институции.

-Овие финални акти не се поминати на Влада затоа што го следиме политичкиот процес во смисла на почнување на преговори. Јас мислам дека само ни фали тригерот, смета Османи.

Стотина лица се пријавиле на огласот за интерес, објавен минатата година, а направени се и списоци на експерти во соработка со МАНУ и универзитетите кои ќе помогнат во процесот.

Во самиот секретаријат за европски прашања, пак, се унапредени луѓе со соодветно искуство и знаење и се преземаат потребните мерки за задржување на кадарот, тврди главниот преговарач.

Меѓутоа, нагласува тој, во текот на преговорите, тежиштето ќе биде во самите министерства задолжени за секое поглавје, а не во СЕП.

Раководителите ќе доаѓаат од министерствата, а замениците раководители ќе бидат од СЕП за поддршка на процесот.

-СЕП ќе биде секретаријатот на преговарачката група и на државната делегација, но, тежиштето треба да биде во министерствата што ги покриваат поглавјата. И создавањето на човечки капацитет треба да го фокусираме во министерството. На пример, министерството за економија покрива дури седум поглавја. Дали министерството за економија е подготвено за сите седум? Во моментов не е. И затоа ја правиме оваа комбинација, луѓето што ги има во администрацијата, во академијата, во коморите, во невладините организации и работната група се активираат кога почнува процесот, вели Османи.

Северна Македонија веќе во текот на билатералниот скрининг ќе треба да ги активира работните групи и да ги мобилизира и администрацијата и експертите, додава вицепремиерот.

Што се однесува до членовите на преговарачката структура, Бујар Османи вели дека имињата му се на располагање, но дека не е сѐ уште донесена конечна одлука.

-Ќе ги бираме според актите, на предлог на главниот политички преговарач, во координација со техничкиот, на предлог на Влада. Нема министрите да ги назначат туку главниот политички преговарач и главниот технички, така што ќе внимаваме тие назначувања да бидат професионални и да не ги назначуваат министрите во рамките на своите кабинети, изјави Османи за МИА, на прашање дали постои ризик од политизација на оваа структура.

© ЖУРНАЛ    ~60,20

НАЈЧИТАНИ ОД МАКЕДОНИЈА
Вајгл: Има една незгодна работа за Македонија, а тоа е дека за неа се зборува во пакет со Албанија
Галетановски: Не сум ја навредувал Сиљановска лично, не е моја вина што секој ден има нов гаф
Мајката и двете ќерки целосно изгореле, телото на таткото било изгорено до половина
Ќе се менуваат законите за вработените во јавниот сектор и административните службеници
Анагностопулу: И да победи Сиљановска, на меѓународно ниво нема да направи ништо за Договорот од Преспа
Јахја Кемал: Секоја година пред уписите се шират невистини за нас
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.