МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Пендаровски поддржува намалување на привилегиите на функционерите
Агенцијата за разузнавање доби нов директор
Кој е кој во кабинетот на претседателот Пендаровски?
Ќе се испитува закупот на канцеларии не само кај Иванов, туку и кај сите поранешни пр..
Култура
Месецот на франкофонијата почнува со промоција на романот „Малечка“

Месецот на франкофонијата почнува со промоција на романот „Малечка“

среда, 06 март 2019, 12:08ч.   |   L.E.

Промоција на македонскиот превод на романот „Малечка“, во издание на „Или-или“, со што ќе започне одбележувањето на Месецот на франкофонијата низ повеќе македонски градови, во соработка со Амбасадата на Швајцарија, ќе се одржи, вечерва, со почеток во 18 часот, во организација на Францускиот институт во Скопје.

Промоцијата ќе се одржи во присуство на младата швајцарска авторка и авантуристка Сара Жислер и на Жан Фам Тран, претставничка од француската издавачка куќа „Едисион де Икуатор“. Аниматор на вечерта ќе биде Игор Анѓелков од издавачката ќуќа „Или-или“, а за самиот настан е предвиден консекутивен превод.

Романот „Малечка“ постигна голем успех на меѓународно ниво, а станува збор за поучно четиво од млада девојка, која гневот го преобразува во одисеја. Нежно и низ хумор, оваа патничка што го обиколи целиот свет, раскажува за маките од детството, за нејзината одбивност кон униформираноста на општество, како и за жедта за слобода, преку која ги надминува сопствените стравови.

Таа ќе напише: „Родена сум во средината на деведесеттите години во семејство на разведени родители. Бев од оние деца што растеа со клуч околу вратот, ги знаат напамет броевите за итни случаи и знаат како се готват тестенини уште пред да можат да ги досегнат тавите. Кога бев мала, се обидоа да ми објаснат дека сум слична на мајка ми, а татко ми бил презафатен со работни обврски. На училиште морав да ги слушам заморните наставници за тоа како се успева во животот. Подоцна, ми велеа дека работата в канцеларија била најдобрата за мене, дека наскоро ќе имам сопруг, куќа, деца, оти тоа е примарна потреба. На дваесет години престанав да ги слушам луѓето и си заминав. Сама, автостоп и без пари в џеб. Ја пропатував Европа до Нордкап, со единствена цел да не останам каде што бев. Може да се каже и дека избегав. Тоа беше моето прво големо патување. Во оваа книга, сакав да ги раскажам на моите талкања, моите падови, но и тоа дека патувањата ми беа спас“.

Манифестациите во рамките на годинашното одбележување на франкофонијата ќе бидат целосно посветени на ликот и делото на швајцарскиот автор, патописец, фотограф и режисер, Никола Бувие.

© ЖУРНАЛ    ~27,9

НАЈЧИТАНИ ОД КУЛТУРА
Маја Вукичевиќ се омажи, љубоморниот сопруг ја натера да го избрише минатото
Се огласи таткото на Меган Маркл после раѓањето на внукот и сите ги изненади со пораката која ѝ ја испратил на својата ќерка
Сара Мејс денеска го покажа своето “Копито”
„Дупер“ ја избркаа тапанарката, па промовираа нова песна
Конкурс за „Пегаз" – нова книжевна награда за необјавен роман
Утре почнува саемот на книгата
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.