МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Град Скопје: Соработката со фирмата на партнерот на Царовска е законска
Претседателот ги потпиша указите за 21 закон
Трипуновски: Мојот отказ е политички реваншизам
Русковска: Ги добивме документите од Албанија за Груевски, но не откриваат ништо ново
Свет
САД и Јужна Кореја најавија крај на заеднички воени вежби

САД и Јужна Кореја најавија крај на заеднички воени вежби

понеделник, 04 март 2019, 11:43ч.   |   Z.H.

 САД и Јужна Кореја најавија дека ќе стават крај на годишните заеднички воени вежби, во рамки на дипломатските напори да се постигне целосна денуклераизација на Корејскиот полуостров.

 
Вршителот на должност американски секретар за одбрана Патрик Шенахан и јужнокорејскиот министер за одбрана Џонг Кјонг-до во телефонски разговор одлучиле да стават крај на заедничките вежби, се наведува во соопштението на Пентагон.
 
Во него се додава дека е договорено, блиската координација на воените активности и натаму да биде поддршка за дипломатските напори.
 
Одлуката за крај на вежбите е донесена три дена по вториот самит на претседателот Доналд Трамп и севернокорејскиот лидер Ким Џонг-ун во Виетнам, кој заврши без договор за решавање на севернокорејската нуклеарна криза.
 
Јужнокорејското Министерство за одбрана објави слично соопштение.
 
Северна Кореја повеќе пати остро ги осудуваше заедничките вежби на САД и Јужна Кореја, како агресивна провокација и вежбање за војна.
 
Завршувањето на воените вежби може да се смета за гест на добра волја за продолжување на преговорите со Северна Кореја и покрај неуспешниот самит во Ханој, наведува „Гласот на Америка“.
 
Претседателот Доналд Трамп беше критикуван за големите трошоци на воените вежби, кои првпат беа одложени во 2018 година, за да се овозможи учество на Северна Кореја на Зимските Олимписки игри во Јужна Кореја.
 
Трамп по првиот самит со Ким во Сингапур, во јуни минатата година, ги суспендираше вежбите на неодредено време.
 
Американските воени лидери планираат големите воени вежби да ги заменат со помали и да користат технологија базирана на виртуелни вежби, наместо да вклучат илјадници војници во воени игри. 

© ЖУРНАЛ    ~30,10

НАЈЧИТАНИ ОД СВЕТ
Норвешката министерка за здрвство порача: Пушете и пијте колку сакате
Русија ја коментираше победата на комичарот на претседателските избори во Украина
Фото: Едно лице е убиено, а седум се ранети, во инцидентот со пукање во училиште, во САД
Ким ја напушти Русија четири часа порано
Голема трагедија ја скрши Меркел
Украински министер кажа дека ќе влезе во Москва со тенкови, Русите одговорија со иронија
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.