МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Северна Македонија за 23 места го подобри рејтингот на Глобалниот индекс на мирот, со..
Сведок тврди дека се прислушувало од канцелариите на директорот на УБК и началникот н..
Фетаи: СЈО ја книжи злоупотребата на Камчев со шетањето во Германија
Димитров во ФАЦ: Признајте го нашиот успех!
Регион
Романската премиерка најави дислоцирање на Амбасадата од Тел Авив во Ерусалим

Романската премиерка најави дислоцирање на Амбасадата од Тел Авив во Ерусалим

понеделник, 25 март 2019, 10:46ч.   |   Z.H.

 Романската премиерка, Виорика Данчила вчера најави дека нејзината Влада донесе одлука да ја пресели својата Амбасада во Ерусалим. Таквата одлука е во спротивност со заедничкиот став на Европската Унија.

 
Романската Влада иницираше процес за процена на можноста за преместување на Романската амбасада во Ерусалим, за тоа ми е задоволство да најавам пред публиката на АИПАК дека по финализирањето на оваа анализа, со сите уставни актери инволвирани во процесот на одлучување и во целосен консензус, јас како премиерка на Романија и Владата која ја водам ќе ја преместиме нашата Амбасада во Ерусалим, престолнината на Израел, изјави Данчила вчера во Вашингтон, каде говореше на конференција на АИПАК, најголемата произраелска лоби група во САД.
 
Најавата на Данчила наиде на силна критика од страна на романскиот претседател, Клаус Јоанис, кој додаде дека одлуката му припаѓа нему и дека претседателката покажува „игнорантност во однос на надворешната политика”. Јоанис тврди дека никогаш не бил информиран за таквата одлука, и дека консензусот за кој говори Данчила во изјавата не постои.
 
Откако американската администрација минатата година под водство на Доналд Трамп одлучи да ја дислоцира Амбасада на САД во Ерусалим, голем број држави во светот, и посебно во ЕУ, се изјаснија против таков чекор. Ерусалим има нерешен статус сѐ додека не се реши израелско-палестинското прашање.
 
Европската Унија го смета источен Ерусалим како палестинска територија под окупација на Израел. За сега ниту една земја членка на ЕУ не прифатила да ја премести својата амбасада во Ерусалим, и покрај тоа што некои од нив го поддржаа Трамп во својата одлука, како Унгарија, Чешка и Австрија. Доколку Романија навистина се одлучи на таков чекор, тоа несомнено ќе предизвика тензии помеѓу земјите членки, дотолку повеќе што Романија моментално претседава со ЕУ.

© ЖУРНАЛ    ~24,8

НАЈЧИТАНИ ОД РЕГИОН
Гледате ли нешто погрешно - поради ова забрането е фотографијата на оваа матурнтка да се најде на табло
(Видео) Силно невреме ја погоди Србија, паѓаше град со големина на лешник
Убиство среде улица во Србија - незапаметена трагедија утринава
Нов закон: После 17 часот не смее да се наплаќа за лежалки и чадори на плажа
Нова страшна несреќа на местото каде изгоре автобусот: Се враќале од погреб па се судриле
Ова е мајката што си ја уби тригодишната ќерка, па ја фрли од тераса во Белград
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.