МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Османи-Која: Упадот во ИВЗ е срамен чин и ја загрозува секуларноста на земјата
Киро Здравев избран за нов претседател на Судскиот совет
Кирацовски: сестра ми и мајката на сопругата се повлекуваат од работните места
Политичките судири во „двојка“ кај иста судијка
Македонија
Река прв, Силјановска втора, Пендаровски трет на гласачкото ливче

Река прв, Силјановска втора, Пендаровски трет на гласачкото ливче

петок, 22 март 2019, 13:28ч.   |   Xh.I.

Кандидатот на албанската опозиција за престојните претседателски избори Блерим Река ќе биде прв на избирачкото ливче, втора е кандидатката на ВМРО-ДПМНЕ и коалицијата, Гордана Силјановска Давкова, а трет е кандидатот на СДСМ и коалицијата Стево Пендаровски.

Во Државната изборна комисија денеска беше спроведено жребувањето за редоследот на кандидатите за претседател на гласачкото ливче. Бројчињата ги влечеа претставниците на нивните изборни штабови, кои исто така, како што најави претседателот на ДИК Оливер Дерковски, ќе потпишат и Кодекс за коректно однесување на престојните избори со цел да има коректен натпревар меѓу сите учесници.

Членот на ДИК, Борис Кондарко упати апел до кандидатите да се придржуваат кон членот 68 од Изборниот законик, во кој е детално дефинирано што се се подразбира по кампања, од која тие треба да се воздржуваат до нејзиниот официјален почеток, на 1 април.

Посочи дека секој со сопствен пример може да даде придонес за успешни избори, но и сликата за изборниот процес да биде позитивна.

    Севкупната слика за изборниот процес и за нашата држава зависи од тоа како ќе се спроведат овие избори, затоа ги повикуваме сите, но пред се кандидатите за претседател во овој период пред почетокот на кампањата но и за време на кампањата, строго да се придржуваат, да бидат одговорни и сериозно да се однесуваат кон сите пропишани правила во Изборниот законик, што се однесуваат на предвремено почнување на кампањата, рече Кондарко.

Повика и побара коректна, чиста позитивна европска кампања, бидејќи, како што рече,  тоа е во интерес на сите, пред се на кандидатите, на нивниот интегритет, во интерес на политичките партии, во интерес на ДИК, и во интерес на целата држава.

    Нема потреба поради определени непромислени постапки и изјави ние како ДИК да се ставаме во улога на судија и да одлучуваме по некакви приговори, подвлече Кондарко.

Претседателот на ДИК, Дерковски потсети дека вчера комисијата донела заклучок за потврдување на кандидатите кои ќе учествуваат на изборите, откако беше утврдена регуларноста на нивните кандидатури и нагласи оти тоа значи дека тие и официјално се во изборната трка.

Дарко Каевски, претставник на СДСМ и на коалицијата за кандидатот Стево Пендаровски, по утврдувањето на редоследот на претседателските кандидати, изјави кампањата што ќе ја водат ќе биде европска и оти од денеска па се до 1 април, кога е официјалниот почеток, ќе се воздржуваат од кампања и од јавни настапи и ќе ги почитуваат сите законски прописи.

    Очекуваме фер, европска кампања во духот на европските вредности и убеден сум дека таква кампања ние како СДСМ и 31 партија што го поддржаа нашиот натпартиски кандидат Стево Пендаровски дека заеднички ќе водиме европска кампања, што ќе биде во духот на европските вредности, рече Каевски, додавајќи оти иста кампања очекуваат и од противкандидатите.

Димче Арсовски од ВМРО-ДПМНЕ, претставник на кандидатката Гордана Силјановска Давкова, рече дека веќе прекинале со сите активности што не смеат да бидат емитувани и реализирани, како на терен, така и медиумски на социјалните мрежи.

Истакна дека очекува фер и демократска кампања од страна на власта, бидејќи според него, на референдумското гласање немало таква кампања.

    ВМРО-ДПМНЕ максимално ќе се залага за европска, фер и демократска кампања и ќе ги следи сите норми и начела што се припишани од страна на изборната комисија во однос на фер и демократски избори, рече Арсовски.

Рамадан Реџепи, портпаролот на кандидатот Блерим Река, истакна дека за нив бројот еден претставува дека се борат за една република за сите, и една европска мултиетничка држава.

    Ние се надеваме на фер и пред се мирни избори, европски избори. Ние веќе видовме на социјалните медиуми дека се прави некаква кампања. Се придржуваме кон тоа да ја почнеме кампањата од 1 април, истакна Реџепи.

В понеделник во ДИК ќе се спроведе жребувањето за редоследот на кандидатите за градоначалници на општините Охрид, Ново Село и Дебар.

© ЖУРНАЛ    ~24,8

НАЈЧИТАНИ ОД МАКЕДОНИЈА
Михаил Трендафилов-Нанче: Преродбата почнува од Охрид, тоа не е случајно. Ќе работиме домаќински и чесно за да изгрее новото сонце на слободата!
Вајгл: Има една незгодна работа за Македонија, а тоа е дека за неа се зборува во пакет со Албанија
Галетановски: Не сум ја навредувал Сиљановска лично, не е моја вина што секој ден има нов гаф
Мајката и двете ќерки целосно изгореле, телото на таткото било изгорено до половина
Ќе се менуваат законите за вработените во јавниот сектор и административните службеници
Анагностопулу: И да победи Сиљановска, на меѓународно ниво нема да направи ништо за Договорот од Преспа
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.