МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Расмусен: Земјите од ЕУ не можат да ѝ ја негираат на Македонија иднината што ја..
ЕУ земјите со зелено светло само за Северна Македонија
Северна Македонија за 23 места го подобри рејтингот на Глобалниот индекс на мирот, со..
Сведок тврди дека се прислушувало од канцелариите на директорот на УБК и началникот н..
Авто
Opel се враќа во Русија

Opel се враќа во Русија

среда, 20 март 2019, 12:18ч.   |   L.E.

 Opel продолжува со својата извозна офанзива: брендот со „молњата“ повторно ќе ја оживее својата традиција и на рускиот пазар уште во текот на оваа година. Opel во почетокот ќе понуди три модели кај избрани дилери во Русија - Grandland X од Ајзенах и новата Zafira Life и Vivaro од руско производство. Возилата на моноволуменското превозно средство и транспортерот за локалниот пазар ќе излезат од производните линии на фабриката на PSA групацијата во Калуга.

Opel сака постепено да го зголеми своето присуство во Русија во наредните години, што ќе вклучи и поголема понуда на производи, а подетални информации ќе бидат достапни во наредниот период.

„Значителен раст на нашиот профитабилен извоз е еден од клучните столбови на нашиот PACE! план на компанијата! Ние направивме значителен напредок во оваа област", рече Мајкл Лохшелер, главен извршен директор на Opel. „Русија е голем, стратешки важен и атрактивен пазар со голем потенцијал. Како германски бренд со многугодишна традиција и одлична репутација во оваа земја, ние ќе имаме корист. Фактот дека сме способни да произведуваме локално е одличен пример за тоа колку е важно Opel да биде дел од PSA групацијата“, додаде Лохшелер.
"Промовирањето на новиот бренд на рускиот пазар ќе и овозможи на PSA Групацијата да го зајакне своето присуство во евроазискиот регион, да ја прошири својата понуда за постојните клиенти и да освои нови. Заедно со претставувањето на брендот Opel во Украина минатата година планираме тројно да го зголемиме обемот на брендови во регионот до 2021 година, врз основа на профитабилен бизнис и овој проект во голема мера ќе придонесе за оваа цел ", изјави Јаник Безар, извршен потпретседател и главен оперативен директор за Евроазија на PSA групацијата.

Освен искусни поранешни дилери на Opel, и нови продажни места ќе ги изложат моделите на Opel во нивните салони. Првично, 15 до 20 дилери во најголемите градови во земјата ќе станат партнери на Opel. Овој број потоа ќе биде двојно поголем. Растот во Русија се планира чекор по чекор. Како и со било кој друг пазар, главниот приоритет на Opel е да се зголеми профитабилно со високо ниво на задоволство на купувачите.

 

Еден од засилувањата на тимот на Opel во Русија ќе биде Драган Ненадовиќ, поранешен директор на Opel за Србија, Црна Гора, Македонија, Албанија и Бугарија. Во периодот од 2005 до 2008 година, Ненадовиќ веќе беше дел од менаџерскиот тим на Opel во Москва.
Широката извозна офанзива е еден од столбовите на стратешкиот план PACE! план на Opel/Vauxhall, кој ќе и помогне на компанијата да стане профитабилна. Одлуката за повторно влегување на рускиот пазар - стратешки пазар за глобален производител на автомобили - е дел од овој план, кој има за цел да го развие брендот и во Европа и во светот. Целта е да се генерира 10 отсто од продажбата на Opel надвор од Европа до средината на 2020 година. Со цел да се постигне ова, брендот дополнително ќе го зајакне своето присуство на извозните пазари во Азија, Африка и Јужна Америка, каде што веќе е присутна и ќе влезе на повеќе од 20 нови пазари до 2022 година.

Производителот на автомобили од Риселсхајм во изминатите неколку месеци веќе назначи нови, многу ефикасни увозници во Мароко, Тунис, Либан и Јужноафриканска Република, со што ќе се отвори патот за раст на овие важни пазари во иднина. Покрај тоа, Opel се приклучи на локалната организација на PSA Групацијата во Украина.

© ЖУРНАЛ    ~27,9

НАЈЧИТАНИ ОД АВТО
Во интерес на корисниците: Facebook најави клучен редизајн на мобилната апликација
Конечно седан во понудата – Citroen ќе го претстави во 2021
Најлуксузните BMW модели пристигнаа во Македонија!
BMW сподели информации за Series 8 Gran Coupe
Citroen ја продолжува традицијата на своите големи лимузини 2021
Audi со нов прототип на водородни горивни ќелии
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.