МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Претседателот Пендаровски го прими германскиот амбасадор Герберих
Заев ги разреши сите претседатели на општинските ограноци на СДСМ
Јовески: Нема законски и било какви други пречки Интерпол да ја објави потерницата по..
Во Скопје ЗОО ќе се реновираат живеалиштата за кенгури и лавови
Технологија
Apple годинава ќе претстави нов MacBook Pro и 32 инчен монитор

Apple годинава ќе претстави нов MacBook Pro и 32 инчен монитор

петок, 15 март 2019, 12:34ч.   |   L.E.

Оваа година компјутерскиот оддел од Apple ќе биде посебно зафатен, бидејќи има во план да претстави нова верзија на популарниот MacBook Pro, како и ултраквалитетен монитор со големина од 32 инчи.

Производната линија на MacBook Pro ќе ја предводи модел со екран со големина помеѓу 16 и 16,5 инчи, што значи дека ќе има најголем екран по моделот од 2012 година, кога тој имаше 17-инчен екран.

Аналитичарот Минг-Чи Куо вели дека покрај основниот модел, Apple би можел да понуди и верзија со 13-инчен екран и внатрешна меморија од 32GB. Досега со овој капацитет на меморија се произведува само 15-инчниот MacBook Pro.

Би било големо изненадување доколку Apple се реши комплетно да го промени постоечкиот дизајн, бидејќи Apple ги пласираше моделите со Touch Bar во 2016 година, повеќе од четири години откако на пазарот се појавија моделите со Retina екрани. Од друга страна, постоечкиот дизајн не се покажа како многу популарен, а Apple поради тоа реши да промени мали делови од тастатурата, па можеби дополнителни измени следуваат со новиот модел.

Куо смета дека верзиите на MacBook Pro кои ќе се појават годинава ќе бидат со компоненти кои ќе биде лесно да се надградат, па затоа овие уреди ќе бидат долготрајни и ќе останат актуелни во наредните неколку години.

Во склоп на овие информации, аналитичарот откри дека Apple подготвува нов монитор со кој компанијата ќе се врати на пазарот на професионални монитори. Се работи за модел со 31,6-инчен екран кој ќе емитува слика во 6К резолуција./kajgana.com

© ЖУРНАЛ    ~48,16

НАЈЧИТАНИ ОД ТЕХНОЛОГИЈА
Фејсбук Месинџер ќе се враќа во главната апликација
Плејстејшн 5 ќе биде нешто досега невидено!
Фејсбук редизајн: Еве како ќе изгледа News Feed
Вибер воведе нова услуга: Многу е корисна, но не е бесплатна
iPhone XE е компактниот Apple модел кој фановите долго го очекуваа!
Доминација на кинеските компании: Ова се најбрзите паметни телефони во светот
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.