МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Хан: Северна Македонија е единствената земја во регионот што нема спор со ниту еден с..
Медиумите до утре треба да поднесат извештај за рекламите за избори
Џафери воздржан за барањето пратениците да одат на нарко-тест, чека конкретна иниција..
Изминатата недела најмногу заболени од морбили од почетокот на епидемијата
Македонија
ОЈО Скопје нема Истражен центар, нема истражители, а недостасуваат и 16 обвинители

ОЈО Скопје нема Истражен центар, нема истражители, а недостасуваат и 16 обвинители

четврток, 14 март 2019, 14:53ч.   |   Xh.I.

Основното јавно обвинителство Скопје како најголемо обвинителтво кое покрива 90 отсто од криминалот во државата, нема Истражен центар, нема истражители, а недостасуваат и 16 јавни обвинители, рече јавниот обвинител Сашо Рајчев на денешната прес-конференција, на која ги презентираше информациите за автобуската несреќа што се случи пред еден месец кај скопското село Ласкарци.

-Со оглед на тоа дека станува збор за доста обемна предистаржна постапка, работат двајца обвинители. ОЈО Скопје е најголемо обвинителтво и покрива 90 отсто од криминалот во Македонија, но нема истражен центар, нема истражители, а недостасуваат 16 јавни обвинители. По систематизација од 85 стручни работници имаме само 16 на неопределено, од 35 дактилографи по систематизација имаме само 10- рече Рајчев.

Оваа година, како што посочи тој, ја завршиле со долг од над девет милиони денари за вештачења, преводи …

-Бидејќи се уште немаме Истражен центар и истражители, а претходната постапка за автобуската несреќа кај Ласкарци е многу обемна, со наредба побаравме тројца истражители од МВР и ги добивме. И тие сé уште се тука додека целосно не ја завршиме истрагата. Овие истражители макотрпно работеа, како и јавните обвинители во обезбедување на материјалната документација за двете правни лица, обезбедување вербалните докази, носење сведоци во Обвинителството…- рече Рајчев.

Одговарајќи на новинарско прашање во врска со натписите за говор на омраза поврзани со несреќата кај Ласкарци, јавниот обвинител одговори дека од МВР имаат повеќе известувања кон кои се приложени тие натписи.

-Ние од обвинителски аспект сега проверуваме дали кај тој што ги пишува тие натписи постои умисленост да се разгори омраза и нетрпеливост, затоа што станува збор за многу тешко кривично дело- рече Рајчев.

Во контекст на тоа додаде дека многу често натписите да се пишуваат од профили на социјалните медиуми од лица со лажни профили и голема е процедурата на проверка.

Несреќата се случи на 13 февруари кога автобусот на „Дурмо турс“ со 51 патник излета од патот Тетово-Скопје и падна во провалија откако ја проби заштитната ограда на автопатот. Во несреќата загинаа 15 лица, а 39 беа повредени.

© ЖУРНАЛ    ~39,13

НАЈЧИТАНИ ОД МАКЕДОНИЈА
Вајгл: Има една незгодна работа за Македонија, а тоа е дека за неа се зборува во пакет со Албанија
Галетановски: Не сум ја навредувал Сиљановска лично, не е моја вина што секој ден има нов гаф
Ќе се менуваат законите за вработените во јавниот сектор и административните службеници
Мајката и двете ќерки целосно изгореле, телото на таткото било изгорено до половина
Анагностопулу: И да победи Сиљановска, на меѓународно ниво нема да направи ништо за Договорот од Преспа
Јахја Кемал: Секоја година пред уписите се шират невистини за нас
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.