МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Судот забрани продажба на книгата „До атентатот и по него“, за авторот Андов ова е „н..
Кандидатурите на Пендаровски и Силјановска за претседател доставени во ДИК
Шилегов: Оваа пролет ќе бидат засадени 1.200 дрвја во сите скопски општини
„Македонија-Блокира“ со кривична пријава против ДИК за Филип Петровски
Шоубиз
Концертна промоција на новиот албум на „Сетстат“

Концертна промоција на новиот албум на „Сетстат“

четврток, 14 март 2019, 13:14ч.   |   L.E.

Концертна промоција на новиот албум на „Сетстат“Објавено пред 3 часа - 14 март, 2019Од Макфакс

Искусната скопска џез-формација „Сетстат“, утревечер, со почеток во 21 часот, во ноќниот клуб „Станица 26“, ќе го промовира во живо својот 9. албум – IX9. Дискографската куќа ПМГЏЕЗ, која е разгранок на „ПМЏ рекордингс“ го издаде овој албум, како и претходниот осми албум на „Сетстат“ со наслов „Се плашам од Македонци“.

„Соработката со ПМГЏЕЗ е нова инспирација за ‘3 гонга’. Затоа и го организираме овој концерт со сплотени сили. ‘Сетстат’ е мислата, изразот на нашата генерација. Секој нивен албум е своја приказна. Тие го отсликуваат нивното, нашето скопско секојдневие и искрено се надевам дка нивното музичко секојднение ќе го пренесат и на надоаѓачките генерации. Нашата посветеност како ‘3 гонга’ е музиката преку која сакаме, заедно со сите што творат во земјата, да оставиме длабок печат зад себе. Како што и името е во чест на радиоемисијата која во свое време остави длабока трага кај тогашните генерации и беше креатор на јавното музичко мислење, во овој период ‘3 гонга’ има цел она што порано имало можност само да се слуша на носач на звук, сега и да се слушне и види во живо“, вели Александар Пејчиновски од „3 гонга“.

Музичарите Владан Дробицки на тромбон, Павел Дробицки на бас, Панче Бујуклиев на клавијатури, Гоце Наумов на тапани и Васко Бојаџиски на саксофон, како што ги нарекуваат – титани на современата македонската џез-музика, утревечер ќе го отсвират новиот албум со надеж дека повторно ќе ги оправдаат очекувањата на џез-публиката, која веќе ги доживува како еден од најискусните и најквалитети изведувачи на македонската џез-сцена.

„’Деветка’ без трошка сомнеж е досега нивниот најкомплетен и најзрел албум. Обмислена, студиозно компонирана, аранжирана и виртуозно отсвирена музика. Од болно убави музички парчиња до длабоко екпериментални импровизации. Од фуриозни панк-фанк бркотници до грациозни емоционални мигови. Нивната музика е хармонично и смирено аранжирана лаконски фрлајќи ни по некој поглед долу нам, масовно хистерични во нашата опседнатост со дневна политика и антиклимакс на личноста. ‘Сетстат’ е бенд кој темелно и сериозно си ја остварува самопоставената задача, а тоа е вајање музички дела од супстанција во време и место што нема капацитет за супстанција. Нивните намери се брутално музички, чисти до болка и кореспондираат директно со универзалноста на музиката како јазик“, вели Мирко Попов од ПМГЏЕЗ.

Влезниците може да се набават преку продажните мрежи на kupikartizase.com и karti.com.mk по цена од 250 денари, непосредно пред почнувањето на концертот на билетарницата цената ќе биде 300 денари.

© ЖУРНАЛ    ~18,6

НАЈЧИТАНИ ОД ШОУБИЗ
Македонската естрада доби “бомба” во вистинска смисла на зборот! (Видео)
Ми ставија нож под грло да се појавам во спот: Владо Jаневски го прекрши правилото
„Чувствував дека нешто ќе се случи“: Ова се првите зборови на сопругата на Шабан Шаулиќ по сообраќајната несреќа
Тошиќ „полудел“ откако анонимно го добил видеото од „жешката акција“ на Карлеуша и неговиот колега
Сопственикот на клубот во Германија ги откри последните зборови што му ги кажал Шабан
Нова трагедија во семејството Шаулиќ: По смртта на Шабан семејството повторно завиено во црно
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.