МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Хан: Северна Македонија е единствената земја во регионот што нема спор со ниту еден с..
Медиумите до утре треба да поднесат извештај за рекламите за избори
Џафери воздржан за барањето пратениците да одат на нарко-тест, чека конкретна иниција..
Изминатата недела најмногу заболени од морбили од почетокот на епидемијата
Авто
Групацијата VW со 22 милиони електрични автомобили до 2028 година

Групацијата VW со 22 милиони електрични автомобили до 2028 година

среда, 13 март 2019, 12:26ч.   |   L.E.

Неодамна компанијата произлезе со прилично амбициозен план за лансирање на 50 нови електрични модели до 2028 година, кој сега стана уште поамбициозен со најавата за испорачување на 22 милиони електрични автомобили до истата година

На годишната пресконференција на Volkswagen AG, компанијата објави дека на пазарот ќе донесе речиси 70 нови електрични модели во следните десет години. Како резултат на тоа, проектираниот број возила што ќе се произведат на електричните платформи на VW групата ќе се зголеми од 15 на 22 милиони единици.

Компанијата ќе инвестира повеќе од 30 милијарди евра до 2023 година за електрифицирање на портфолиото на возила. До 2030 година се очекува електричните возила да сочинуваат најмалку 40 проценти од флотата на брендот.

Првиот дел од новата генерација на електрични возила влегува во производство оваа година, а тука спаѓаат Audi e-tron и Porsche Taycan. По нив ќе следат Volkswagen ID хечбек, Volkswagen ID Crozz, Seat el-born, Skoda Vision E, VW ID Buzz и VW ID Vizzion.

За оваа масовна електрична офанзива, VW групацијата се потпира на LG Chem, SKI, CATL и Samsung, како стратегиски добавувачи на батериски ќелии. Тие исто така се во потрага по можно учество во батериското производство во Европа.

„Volkswagen се обидува да обезбеди индивидуална мобилност за милиони луѓе во наредните години, индивидуалната мобилност која е побезбедна, почиста и целосно поврзана. Со цел да ги вложиме потребните инвестиции за електричната офанзива, мораме да направиме понатамошни подобрувања во ефикасноста и перформансите во сите области”, изјави извршниот директор на Volkswagen AG, д-р Херберт Диес.
електрични

Ова преставува низа предизвици за брендот, кој на патот кон декарбонизација до 2050 година, ќе донесе три нови принципи: ефективно и одржливо намалување на CO2, префрлување на обновливи извори на енергија за напојување и компензација за преостанатите емисии кои не можат да се избегнат.

За 2025 година, целта е да се намали стапката на CO2 на возниот парк за 30 проценти во текот на животниот циклус, во споредба со 2015 година. Во исто време, целта е да се намалат емисиите на CO2 од сите погони за 50 проценти до 2025 година во споредба со 2010 година.

© ЖУРНАЛ    ~18,6

НАЈЧИТАНИ ОД АВТО
ТОП 5 АВТОМОБИЛИ: Кои автомобили тpoшат нajмногу а кои нajмалку гopиво!
Збогум за три модели на Opel
Во интерес на корисниците: Facebook најави клучен редизајн на мобилната апликација
Со 400 коњски сили, новиот Голф ќе биде брутално моќен
VW со загуба од 3.000 евра ќе го продава I.D.
Еволуција место револуција за Nissan Juke II
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.