МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Град Скопје: Соработката со фирмата на партнерот на Царовска е законска
Претседателот ги потпиша указите за 21 закон
Трипуновски: Мојот отказ е политички реваншизам
Русковска: Ги добивме документите од Албанија за Груевски, но не откриваат ништо ново
Здравје
Шведски Диаверум најавува: Нови инвестиции и врвен медицински третман за македонските пациенти на дијализа

Шведски Диаверум најавува: Нови инвестиции и врвен медицински третман за македонските пациенти на дијализа

вторник, 12 март 2019, 16:15ч.   |   Z.H.

 Скопје, 12.03.2019 - Инвестиции во дополнително унапредување на медицинската услуга, едукација на стручен персонал и на пациентите и примена на најсовремената медицинска пракса во областа на третманот на бубрежно болните лица, е главниот фокус на шведската компанија Диаверум по нејзиниот влез во земјава. 

Како водечки давател на здравствени услуги за третман на бубрежно болни лица, во 20 земји на неколку континенти, Диаверум своето големо искуство го пренесува и во македонскиот здравствен систем.  
На свеченото одбележување на своите активности во земјава организирано во пресрет на Светскиот ден на бубрегот – 14. март, главниот извршен директор на Диаверум, Димитри Мулавасилис, истакна: 
„Нашата мисија е на секој наш пациент да му овозможиме здравствена грижа која ќе го подобри квалитетот на неговиот живот. Среќни сме што и на пациентите овде ќе им понудиме врвна услуга, а преку соработка со надлежните институции ќе создадеме одлична можност за размена на знаења и искуства во повеќе области со што ќе бидеме активен партнер во напорите на институциите за натамошно осовременување на здравствените услуги“.
Диаверум започна со своите инвестиции во земјата во октомвриминатата година, преземајќи ја компанијата која управува со девет центри за дијализа во Скопје и источниот дел на земјата и во моментов се грижи за повеќе од 670 пациенти со хронична бубрежна болест. Одлуката за влез во македонското здравство, Диаверум ја донесе по неколкугодишна темелна анализа на сите аспекти поврзани со функционирањето на системот за дијализа во земјава, како и на потребите на пациентите.
Мрежата на Диаверум ја сочинуваат најсовремени центри и клиники за третман на бубрезите во 19 земји во Европа, Америка и Азија. Седиштето на компанијата е во Шведска, каде пред повеќе од две децении била отворена првата клиника.
„Шведскиот здравствен систем е организиран на начин кој овозможува здравствените услуги да бидат достапни за сите, согласно најсовремените медицински протоколи. Македонскиот здравствен систем го има истиот приоритет. Токму тоа е и дополнителен мотив со заедничко споделување на искуствата и интензивирање на соработката да се придонесе кон подобрување на овој сектор во интерес на сите граѓани. Инвестицијата на Диаверум во земјата е одличен чекор во таа насока“, истакна амбасадорот на Шведска во земјата, Матс Стафансон.
Во мрежата на Диаверум ширум светот работат над 11 илјади вработени кои се грижат за здравјето на над 35 илјади лица со бубрежни заболувања, за кои се обезбедува целосна здавствена услуга, почнувајќи од превентивната нега, хемодијализата, домашна нега, па сѐ до трансплантација.
„Во изминатиот период,воопшто со воведување на концесионерството,направено е значајно подобрување на условите во центрите за дијализа, се користат нови машини, пациентите добиваат квалитетна дијализа во своето место на живеење и за нив се грижи едуциран и стручен персонал. Но, тука не смее да се запре и токму во тој дел се нашите очекувања од еден кредибилен и искусен оператор каков што е Диаверум, да воведе и дополнителни процедури и услуги освен дијализата. Ние сме охрабрени од нивниот влез во македонскиот здравствен систем и уверени сме дека преку нив во земјата ќе влезат најсовремените европски и светски стандарди и приктики во третманот на пациентите со бубрежни заболувања. Нашите очекувања за во иднина се пациентите да може своите дијализни третмани да ги вршат и надвор од државата во мрежата на центри на Диаверум, со што ќе се овоможи нивно слободно движење и патување“, вели Душко Ѓоргиев, претседател на здружението на бубрежно болни „Нефрон“.
 

© ЖУРНАЛ    ~27,9

НАЈЧИТАНИ ОД ЗДРАВЈЕ
Ако ви се заглави коска од риба во грлото, веднаш направете го ова
Колкав е рокот на траење на варените јајца
Најдобар детокс на организмот: Го отстранува салото од стомакот и чисти од сите токсини!
Симптоми кои покажуваат дека телото ви е полно со токсини
Нов магичен коктел за диета: Со само 4 состојки до совршена тежина
Што ќе се случи со вашиот организам ако секој ден јадете јајца?
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.