МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Хан: Северна Македонија е единствената земја во регионот што нема спор со ниту еден с..
Медиумите до утре треба да поднесат извештај за рекламите за избори
Џафери воздржан за барањето пратениците да одат на нарко-тест, чека конкретна иниција..
Изминатата недела најмногу заболени од морбили од почетокот на епидемијата
Култура
Македонски уметници со свои дела на изложбата „Сараевска зима“

Македонски уметници со свои дела на изложбата „Сараевска зима“

понеделник, 11 март 2019, 12:16ч.   |   L.E.

Македонските уметници Славица Јанешлиева – Бачварска, Гоце Наневски и Игор Сековски, од 14-ти март, како дел од богатата програма на меѓународниот фестивал „Сараевска зима 2019-та”, во галеријата на „АЛУ Сараево“, ќе се претстават со заедничката изложба „Триплет”.

Меѓународниот фестивал „Сараевска зима”, е под покровителство на УНЕСКО е со исклучително богата и квалитетна програма од сите видови на уметности. Се одржува по 35-ти пат, од 7-ми февруари до 21-ви март 2019-та година. Оваа година на фестивалот учествуваат 1.500 уметници од 41 земја во светот под слоганот „Бучава и бес“.

Изложбата „Триплет“ е селектирана од организаторот на „Сараевска зима“ и презентира дел од рецентната продукција на овие три македонски современи автори со исклучителна и богата биографија.

Секој од авторите реферира на специфична тема од современото општество и живот (глобално и локално) на експлицитен визуелен јазик, добро познат на македонската ликовна публика, а е резултат на индивидуалните интереси, истражувања и изложбена активност.

Славица Јанешлиева – Бачварска ги изложува објектите „Имигрант, емигрант или можеби јас“ и „Споменик за крајот на 20-от и почетокот на 21-от век“, визуелизации со кои ги заматува границите на локалното и глобалното, давајќи им нови значења и интерпретации.

Гоце Наневски претставува дел од проектот Анатомија на векот од 2017-та година односно видеата „Судбина” и „Ние вампирите” како и проектот „Срамота е да нема змии овде” од 2015-та година. Делата реферираат на моралните, етичките, културните и егсистенционалните аномалии како наметнати референтни вредности во општеството.

Игор Сековски се претставува со делото „Quo vadis“ (2014-та), кое се однесува на прашања поврзани со транзициската неизвесност и егзистенција и општото чувство на изгубеност и вртење во круг, притисокот за остварување заокружена и прецизна артикулација и неможноста за комуникација.

Воедно, изложбата „Триплет“ е можност за меѓународно присуство и видливост на современото македонско ликовно творештво.

© ЖУРНАЛ    ~21,7

НАЈЧИТАНИ ОД КУЛТУРА
Маја Вукичевиќ се омажи, љубоморниот сопруг ја натера да го избрише минатото
Се огласи таткото на Меган Маркл после раѓањето на внукот и сите ги изненади со пораката која ѝ ја испратил на својата ќерка
Сара Мејс денеска го покажа своето “Копито”
„Дупер“ ја избркаа тапанарката, па промовираа нова песна
Конкурс за „Пегаз" – нова книжевна награда за необјавен роман
Утре почнува саемот на книгата
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.