МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Заев – Харадинај: Новата реалност е од особено значење за Балканот
Фуере: Груевски падна поради партизацијата, оваа влада да не ги повторува ужасните гр..
Заев и Ципрас денеска во Минхен ќе ја добијат наградата „Евалд Фон Клајст“
Сопственикот на „Дурмо турс“ вели дека е можно возачот на кратко да изгубил свест
Македонија
НЕ Е ЧУДО СУДИИТЕ ШТО ОТПАДНАА ОД ОБВИНЕНИЕТО ДА ПРОДОЛЖАТ ДА СУДАТ ПО ПАРТИСКА ДИРЕКТИВА, КАЖА ФЕТАИ НА ЗАВРШНИТЕ ЗБОРОВИ ЗА „ТИТАНИК 2“

НЕ Е ЧУДО СУДИИТЕ ШТО ОТПАДНАА ОД ОБВИНЕНИЕТО ДА ПРОДОЛЖАТ ДА СУДАТ ПО ПАРТИСКА ДИРЕКТИВА, КАЖА ФЕТАИ НА ЗАВРШНИТЕ ЗБОРОВИ ЗА „ТИТАНИК 2“

петок, 08 февруари 2019, 13:28ч.   |   Xh.I.

Обвинетиот Сашо Мијалков, како тогашен директор на Управата за безбедност и контраразузнавање и член на ИК на ВМРО-ДПМНЕ, се докажа дека ја искористил својата моќ со умисла да влијае врз обвинетиот Мендух Тачи, за тој со умисла да го поттикне членот на ДИК Бедредин Ибраими од ДПА да го смени ставот и да гласа за поништување на чисто гласање во Струмица. Со тоа, обвинетиот Ибраими му овозможил понатамошно противзаконско учество во локалните избори на кандидатот на ВМРО-ДПМНЕ Васил Пишев, кој изгубил уште во првиот круг.

Ова е дел од завршниот збор на обвинителката од СЈО Фатиме Фетаи за случајот „Титаник 2“, кој е пред пресуда. Таа рече и дека жали што судот одлучи од обвинението да отпаднат петтемина управни судии.

„И тие размислувале и гласале на линија на ВМРО-ДПМНЕ. Впрочем, не се џабе тефтерчињата на поранешната министерка за внатрешни Гордана Јанкулоска, помогната од тука обвинетиот Сашо Мијалков. Не е чудо тие судии да продолжат да судат по партиска директива, но во обратна линија. Но, судот одлучи дека судиите имале имунитет“, рече Фетаи, по што реагираа обвинетите Тачи и Мијалков дека Фетаи почнала да држи политички говор.

Пред судот, Фетаи заклучи дека Мијалков ја искористил својата реална моќ во државата и во партијата. Во прислушуваниот разговор како доказ, тој го потсетува Тачи дека ако гласа Ибраими за поништување на гласањето во Струмица, сега обвинетите Сашо Срцев, Елизабета Стефановска и Влатко Сајковски, ќе возвратат за приговорите на ДПА во Чаир.

„ВМРО-ДПМНЕ била запознаена за дилот со противуслуга на ДПА за Чаир. Тоа се слушна во разговорот меѓу Никола Тодоров и Драган Павловиќ – Латас. Тодоров му вели: ’Има уште два приговора, за да биде комплетна сликава. Сега јасно е дека за Струмица ние и ДПА сме се договориле. И вториот и третиот приговор ќе бидат 4 спрема 3, исто како првиот‘“, рече Фетаи.

Со злоупотребите што ги направиле четворицата членови на ДИК, во корист на ВМРО-ДПМНЕ, тие го суспендирале Изборниот законик. Тие чесен суде не биле државни службеници, кажа Фетаи, туку партиски извршители, со флагрантно кршење на законот, бидејќи немало основ за поништување.

Таа побара казни за сите обвинети, а Срцев, Сајковски и Стефановска ги пофали за почитување на дигнитетот на судот.

Следуваат завршните зборови на обвинетите, на 19 февруари.

© ЖУРНАЛ    ~86,30

НАЈЧИТАНИ ОД МАКЕДОНИЈА
Заев: Имам информации дека Елизабета Канческа-Милевска нема да гласа за уставните измени
Повик на МОН за учество во комисија за измена на учебници
Богојески: Можеме и шестти пат да го промениме името
ВМРО-ДПМНЕ: Заев натера повеќе од 70 отсто од граѓаните да сакаат да ја напуштат татковината
Поднесена кривична пријава за убиство во обид против телохранителот на Мијалков
Журнал дознава: Владимир Ѓорчев, кандидат за Претседател од редовите на ВМРО-ДПМНЕ ?!
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.