МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Момировски: Обвинителството и МВР да го разјаснат случајот со изборната апликација на..
Ако извисат претседателските, шефот на државата ќе се избира во Собрание или на избор..
Отсуството на судијата го одложи „Монструм“
Деркоски: Сѐ се одвива беспрекорно, спремни сме за изборите
Македонија
Адеми: Од септември зголемување на платите за професорите

Адеми: Од септември зголемување на платите за професорите

четврток, 07 февруари 2019, 15:39ч.   |   Xh.I.

Министерството за образование и наука ќе има 6,1 милијарди денари буџет во 2019 година, што е за 7,84 проценти поголем во однос на 2018 година. МОН ќе се фокусира на реформирање на основното и модернизација на средното стручно образование, како и за унапредвање на ученичкиот и студентскиот стандард.

Ресорниот министер Арбер Адеми денеска на средба со новинарите рече дека во септември ќе има ново зголемување за 5 отсто на платите на наставниците во основното и во средното образование, а дека првпат по повеќе години зголемување од 5 проценти ќе добијат и професорите во високото образование. За науката се планирани 415 милиони денари.

За  блок-дотации за основни и средни училишта во општините се наменети 14,4 милијарди денари, што во однос на 2017 година е речиси 1,4 милијарда повеќе.

Во основното образование, за кое новиот закон е во втора нацрт-верзија, ќе бидат внесени препораките од анализата на ОЕЦД и УНИЦЕФ за што ќе има и акциски план, а средното стручно ќе се унапредува со нови, модернизирани наставни планови и програми и во соработка со нови бизнис-партнери ќе се проширува концептот дуално образование.

Од септември ќе  биде отворена и математичко-информатичката гимназија. Адеми рече дека сè уште немаат анализа колку паралелки би се отвориле во првата учебна година од нејзиното работење. Додаде дека сега се фокусирани да се обезбеди објект за новото училиште, а потоа, како што рече, ќе ги преземат другите чекори за профункционирање на гимназијата.

Во високото образование, покрај пари за повисоки плати, обезбедени се средства и за формирање на новите институции предвидени со новиот Закон за високото образование – Национален совет за високо образование, наука и истражување и за Агенцијата за квалитет во која како посебни тела ќе функционираат советите за акредитација и за евалуација.

За ученички стандард се предвидени 1,1 милијарда денари, а сега со законска одредба финансиски ќе се поддржуваат домовите и нивните долгови по основ на режиски трошоци.

За капитални инвестиции се наменети 2,4 милијарди денари, што споредено со ребалансот од 2018 е повеќе за една милијарда. Ќе бидат наменети за изградба или реконструкција на училишта и спорстки сали. Адеми рече дека во соработка со Министерството за финансии ја разгледуваат можноста за реконструкција на сите студентски домови со меѓународна помош, но дека идејата е во иницијална  фаза и се во преговори, а за реализација ќе направат приоритети.

© ЖУРНАЛ    ~72,24

НАЈЧИТАНИ ОД МАКЕДОНИЈА
Михаил Трендафилов-Нанче: Преродбата почнува од Охрид, тоа не е случајно. Ќе работиме домаќински и чесно за да изгрее новото сонце на слободата!
Вајгл: Има една незгодна работа за Македонија, а тоа е дека за неа се зборува во пакет со Албанија
Галетановски: Не сум ја навредувал Сиљановска лично, не е моја вина што секој ден има нов гаф
Мајката и двете ќерки целосно изгореле, телото на таткото било изгорено до половина
Ќе се менуваат законите за вработените во јавниот сектор и административните службеници
Јахја Кемал: Секоја година пред уписите се шират невистини за нас
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.