МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Беља и Демири осудени на 19 години затвор за убиството на Саздо
ВМРО-ДПМНЕ: Сиљановска победи во 47 општини, СДСМ и коалицијата од 30 партии се пораз..
ЕУ повикува на излезност во вториот круг од изборите
Изборите добро спроведени, сé уште се потребни реформи на изборното законодавств..
Авто
Првиот македонски електричен автомобил

Првиот македонски електричен автомобил

четврток, 07 февруари 2019, 12:30ч.   |   L.E.

 Првиот македонски електричен автомобил развиен од тимот на „ББ Класик Карс“ со кодно име „ЗАС Г20“ денеска беше претставен пред домашната јавност.
„ЗАС Г20“ претставува проект реализиран од страна на тимот на „ББ Класик Карс“, со финансиска поддршка од Фондот за иновации и технолошки развој и со поддршка на повеќе специјализирани фирми и занаетчии, а е насловен „Замена на мотор со внатрешно согорување на класичен автомобил „фиќо“, со електричен мотор“ .

Претставникот од „ББ Класик Карс“, Ален Јегени, нагласи дека возилото има нулта емисија на јаглероден диоксид, досег со едно полнење до 150 километри во реални услови на возење, како и максимална брзина до 130 километри на час.

-Шасијата и дел од опремата на ЗАС се преземени од некогаш популарното „фиќо“. Времето на полнење изнесува три-пет часа на домашен мрежен приклучок, исто толку и на јавен наизменичен приклучок, а на јавен брз еднонасочен полнач доволни се 15 минути, нагласи Јегени.

Тој рече дека електричното возило ЗАС може да се модифицира врз неколку модели: G20 – класично градско возило, TC20 – градско возило со спортски изглед, TCR20 – спортско возило за град, TCR50 – спортско возило за натпревари и дека времето за испорака е околу два месеци од дефинирањето на нарачката.

Меѓу предностите на електричните возила се екологијата и зачувувањето на животната средина, а и видни се и можностите за поголемо искористување на обновливите извори на енергија, независноста од фосилните горива, стабилноста на електро-енергетската мрежа, ниската бучава и малите трошоци за одржување.

Јован Петроски од тимот за развивање на „ЗАС Г20“ ги напомена придобивките на електричните мотори, како што се: економичноста, аерозагадувањето и големата издржливост.

Атанас Ивановски од германската фабрика „Кеслер“ изјави дека е изненадување тоа што во една мала земја, како што е Македонија, да доаѓаат вакви идеи и новативни решенија.

-„Кеслер“ одлучи во Македонија да отвори компанија за производство за компоненти за електрични мотори. Овој проект е плод на заедничката соработка со „ББ Класик Карс“ и еден од производите што „Кеслер“ ги има во своето портфолио на електро-мобилност, рече Ивановски.

© ЖУРНАЛ    ~80,28

НАЈЧИТАНИ ОД АВТО
Со 400 коњски сили, новиот Голф ќе биде брутално моќен
Skoda почна да работи на новата генерација на Octavia
Еволуција место револуција за Nissan Juke II
Почнува продажбата на најевтиниот автомобил на Eлон Маск
Најагресивниот Lamborghini Urus досега
СУВ возила со најголема потрошувачка (Фото)
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.