МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Судот забрани продажба на книгата „До атентатот и по него“, за авторот Андов ова е „н..
Кандидатурите на Пендаровски и Силјановска за претседател доставени во ДИК
Шилегов: Оваа пролет ќе бидат засадени 1.200 дрвја во сите скопски општини
„Македонија-Блокира“ со кривична пријава против ДИК за Филип Петровски
Економија
(Видео) Анѓушев: Одговорноста да се имплементираат целите за одржлив развој е на Владата

(Видео) Анѓушев: Одговорноста да се имплементираат целите за одржлив развој е на Владата

среда, 27 февруари 2019, 11:18ч.   |   Z.H.

 Најдоброто е да создадете општество во кое ќе има правда за сите и добри услови за сите. Тоа е и целта на исполнувањето на овие цели за одржлив развој, дали е возможно, сигурно е, а дали е лесно, секако не е лесно. Одговорноста да се постигне тоа падна на тие што ја преземале одговорноста да ја водат оваа држава, на сегашната влада и на сите следни влади, истакна заменикот на претседателот на Владата за економски прашања, Кочо Анѓушев на церемонијата за доделување на наградите „Предводници на Целите за одржлив развој“, што се одржа за првпат во нашата земја, како дел од проектот „Градење меѓуресорски партнерства за одржлив развој“.

 
Проектот е спроведен од организациите „Konekt“, „Agora“ и „Network Bulgaria“, а е поддржан од УНИЦЕФ и Делегацијата на Европската Унија.
[„Агендата 2030 изгледа амбициозно и би било добро да биде остварена колку што е можно побрзо, а целосно до 2030 година. Затоа Владата во своите програмски определби постави најголем дел од целите на агендата, како целта број 7 која во голем дел е исполнета а се однесува на енергетиката и енергетската ефикасност за што се веќе донесени законите и се исполнети целите. Но, тука остануваат целите во делот на правдата, пристапот до образованието, инклузивниот одржлив економски раст, што значи добра и еднаква благосостојба за сите жители во едно општество“, објасни Анѓушев.
 
На неодамнешната седница на Националниот совет за одржлив развој, со кој претседава Вицепремиерот, владата донесе стратегија за реализација на 5 приоритетни цели, од вкупно 17 општи цели за одржлив развој, како и 169 специфични цели чија реализација се следи преку 243 глобални индикатори.
 
Петте цели на кои се фокусира Владата се: цел 1 – да се стави крај на сиромаштијата, во сите форми, насекаде, цел 4 – да се обезбеди инклузивно и правично квалитетно образование и да се промовираат можности за доживотно учење за сите, цел 8 – да се промовира инклузивен и одржлив економски пораст, целосно и продуктивно вработување и достојни работни места за сите, цел 13 – да се преземат итни дејства за борба против климатските промени и нивните влијанија и цел 16 – да се промовираат мирни и инклузивни општества за одржлив развој, да се обезбеди пристап до правда за сите и да се изградат ефективни отчетни и инклузивни институции на сите нивоа.
 
Анѓушев посебно го истакна и се осврна на придонес на компаниите предводници кон исполнување на целите за одржлив развој како и на нивната улога во создавањето просперитетна иднина за државата.
 
„Целите за одржлив развој не може да се исполнат ако се насочиме само на едно нешто, само на образование или само кон социјалната политика, туку треба да биде сеопфатно. Затоа централно место во сето ова имаат и компаниите, затоа што се тие работодавачи и тие треба да бидат општествено одговорни и да целат кон тоа заедно со заедницата да градат подобро општество. Затоа сакам да ги поздравам и да им честитам на компаниите кои учествуваат во исполнувањето на целите за одржлив развој за добиените награди, компании кои што биле социјално одговорни и придонеле за нашето општествено да биде подобро и да сме еден чекор поблиску кон остварување на целите за одржлив развој“, потенцираше вицепремиерот.
 
Тој нагласи дека целите за одржлив развој се визија за создавање иднина на светско ниво и нудат можност за воспоставување на нова димензија на бизнис секторот. Усвоени во 2015 година од 193 држави во Обединетите нации, меѓу кои е и нашата земја, тие можат да ја обликуваат новата ера на компаниите кои се посветени и отворени за нови предизвици, заклучи вицепремиерот.

© ЖУРНАЛ    ~36,12

НАЈЧИТАНИ ОД ЕКОНОМИЈА
Започнува евиденцијата на УЈП на банкарските сметки на граѓаните
РКЕ: Либерализацијата на пазарот во овој момент ќе значи зголемување на цените на нафтата
Што велат Цветанка и Игор за нивното искуство со Cashback World картичките
Објавена најновата листа на должници на УЈП
За 10 дена меѓу „ЕВН снабдување“ и „ЕЛЕМ трејд“ ќе се бира универзален снабдувач со електрична енергија
Двајца Македонци на листата „30 под 30” на Forbes за 2019 година
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.