МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Дете и возрасен заболени од морбили во тешка состојба
Лица блиски на функционерите ќе даваат откази од работа
Филипче: Студентите кои завршиле Медицински факултет ќе добијат можност за практична ..
Ибраими: Штетата во „Титаник 2″ е 413 евра
Култура
Животот посветен на Македонија претставен во монографијата на Кипроски

Животот посветен на Македонија претставен во монографијата на Кипроски

сабота, 02 февруари 2019, 11:45ч.   |   L.E.

 Монографијата „Македонија, мој копнеж – Манојил Мане Јаковлевски“ од Киро Кипроски беше промовирана денеска во просториите на Музејот на македонската револуционерна борба – Скопје.

Јаковлевски е еден од основачите на ВМРО-ДПМНЕ, прв претседател на македонската православна црковна општина „Свети Климент Охридски“ во Берлин, претседател на задграничниот комитет на ВМРО-ДПМНЕ за Европа и координатор на задграничните комитети на партијата.

– Ме радува што ја промовираме монографијата напишана од Киро Кипроски, кој ги наслика животот и борбата за слободна Македонија во текот на половина век делување за македонската кауза. Монографијата претставува само мал ден на она што го поминав. За да се изоди овој пат заслуги имаа и моите истомисленици. Монографијата ќе остане во аманет на моите деца за продолжување на борбата – истакна Јаковлевски, кој е роден на денешен ден во 1951 година во гостиварското село Зубовце.

Во биографијата се наведени интересни случки од неговиот печалбарски живот во Берлин, за неговата активност во македонските политички организации во Европа, поради што беше постојано следен од тајните служби на СФРЈ. Внесени се текстови на значајни историски настани што се случуваа во дијаспората во средината на минатиот век, малку познати за пошироката јавност. Тие се оттргнати од заборавот и сведочат за македонските патриоти кои се бореа за независна, обединета, соверемена и демократска држава Македонија, беше наведено на промоцијата.

– Треба да ги промовираме 460-те страници за еден господин кој животот го посветил на семејството и на Македонија. Јас ги бележев овие настани со години, за дел од нив бев иницијатор, учесник и организатор, ги објавував во „Нова Македонија“ – кажа авторот Кипроски, кој одбележува 50 години работа во новинарството.

Промотори на монографијата се професорите Михајло Миновски, Марјан Ивановски и писателот Блаже Миневски. Промоцијата беше во организација на печатницата „Европа-92“ која ја издаде монографијата.

На промоцијата беа присутни архиепископот г.г. Стефан на Македонската православна црква-Охридска Архиепископија, претседателот на ВМРО-ДПМНЕ Христијан Мицкоски и бројни гости од општествениот живот. М.Ж.

© ЖУРНАЛ    ~30,10

НАЈЧИТАНИ ОД КУЛТУРА
За прв пат македонски филм во главната програма на Берлинскиот фестивал
Музејот на раскинати врски по 11 години повторно во Скопје
„Тоска“ од Пучини во МОБ
„Роденден на уметноста“ во МКЦ
Почина актерот Славко Нинов
Хрватски детски филмски евергрини од денеска Во Кинотеката
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.