МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Дете и возрасен заболени од морбили во тешка состојба
Лица блиски на функционерите ќе даваат откази од работа
Филипче: Студентите кои завршиле Медицински факултет ќе добијат можност за практична ..
Ибраими: Штетата во „Титаник 2″ е 413 евра
Свет
Шпанските власти подготвени за судењето на каталонските сепаратисти

Шпанските власти подготвени за судењето на каталонските сепаратисти

вторник, 12 февруари 2019, 14:42ч.   |   Z.H.

 Шпанија се подготвува за најчувствителниот судски процес во последните неколку децении, во кој десетина каталонски сепаратисти се соочуваат со различни обвиненија, вклучувајќи ги и оние за бунт за време на неуспешниот обид за отцепување кон крајот на 2017 година.

 
Судењето, кое започнува денес, ќе биде емитувано во живо на телевизија, а сите очи ќе бидат фокусирани на непристрасноста на шпанскиот Врховен суд, објави агенцијата АП.
 
Каталонските сепаратисти, уште пред судењето го доведоа во прашање кредибилитетот на судот, тврдејќи дека тој е марионета во рацете на шпанската влада и дека пресудата ќе биде политички мотивирана, односно e веќе однапред одредена.
 
Ваквите обвинувања беа отфрлени од претседателот на Врховниот суд, Карлос Лесмес, кој рече дека овој процес е најважен од преминувањето на Шпанија кон демократија во 1977 година, по смртта на диктаторот, Франциско Франко.
 
Во Каталонија на 1 октомври 2017 година се одржа референдум за независност и покрај забраната што ја наметна Уставниот суд, а на 27 октомври беше прогласена независност и покрај предупредувањата на шпанската влада.
 
Кризата продолжи по изборите кои се одржаа на 21 декември истата година во таа шпанска провинција, при што се покажа поделеноста на каталонското општество по прашањето за независност.
 
Се очекува судењето да трае најмалку три месеци, а одлуката да се донесе уште неколку месеци потоа.

© ЖУРНАЛ    ~30,10

НАЈЧИТАНИ ОД СВЕТ
Филмски грабеж во Италија, од блиндирано возило украдени 2,3 милиони евра
Маж со автомобил удри во пешаци и си го уби својот 2-годишен син
Нови правила во ЕУ за брачните двојки од различни држави
Кина ќе се соочи со незапирлив пад на населението
САД го спуштија статусот на ЕУ
Ел Чапо му дал 100 милиони долари на претседателот на Мексико
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.