МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Дете и возрасен заболени од морбили во тешка состојба
Лица блиски на функционерите ќе даваат откази од работа
Филипче: Студентите кои завршиле Медицински факултет ќе добијат можност за практична ..
Ибраими: Штетата во „Титаник 2″ е 413 евра
Свет
ОН бараат од Белгија да се извини за колонијалното минато

ОН бараат од Белгија да се извини за колонијалното минато

вторник, 12 февруари 2019, 15:42ч.   |   Z.H.

 Експертска група на Обединетите Нации смета дека Белгија треба да им се извини на Африканците за колонијалните злосторства, јави дописничката на МИА од Брисел.

 
Експертската група на ОН за лица со африканско потекло помина една недела во Белгија и оствари средби со невладини организации и претставници на белгиските власти. Заклучокот од студијата е дека во Белгија постои молк за колонијалното минато и дека земјата треба да се соочи со него.
 
– Си чини дека има ѕид на молк околу колонизацијата. За да може да има вистинско помирување и процесот на деколонизација да продолжи, сметаме дека извинување од страна на белгиската држава би бил прв чекор, изјави членот на експертската група на ОН, Ахмед Реид.
 
Претседателот на експертската група, Михал Балцежак бара од властите на Белгија да усвојат и национален акциски план за борба против расизмот.
 
– Пронајдовме јасни докази дека расната дискриминација е ендемска во институциите во Белгија. Лицата со африканско потекло се соочуваат со дискриминација во однос на економските, социјалните и културните права, посочи групата на крајот на својата посета вчера.
 
Експертите сметаат дека земјата треба да ги ревидира и учебниците за да бидат вклучени злосторствата и трагедиите од колонијалната ера на историски егзактен начин.
 
Една од најмрачните епизоди во колонијалното минато на Белгија е улогата на кралот Леополд Втори во Конго, тема со која ниту учебниците, ниту општеството се соочуваат целосно. Споменици и улици сѐ уште го носат името на овој контроверзен крал, за кого бројни историски истражувања покажуваат дека владеел на исклучително суров начин со народот во Конго.
 
ОН го критикува и фактот дека Белгија не води етнички статистики што оневозможува да се утврди дали политиките за борба против расизмот вродуваат со плод и ги прави лицата со африканско потекло невидливи за институциите. Експертите предупредуваат и дека се „длабоко загрижени“ што потомците на Африканците во Белгија не се доволно застапени во институциите, во судовите, полицијата, политиката и владата и дека не е констатиран напредок во овој поглед во последните 14 години.
 
Друга забелешка, која тешко поминува во белгиското општество, се однесува на стриповите „Тинтин“, и посебно стрипот „Тинтин во Конго“, за кој бројни организации и потомци на африканската дијаспора одамна бараат да се отвори дебата. Стриповите „Тинтин“ во Белгија се сметаат за едно од најголемите национални богатства. Овој стрип од почетокот на дваесеттиот век, меѓутоа, е полн со стереотипи од времето на колонизацијата. Експертската група сметаат дека новото издание на овој стрип треба да содржи историски контекст или да бидат повлечено.
 
Во септември, групата ќе објави целосен извештај со препораки до Комитетот за човекови права на ОН за овој случај.

© ЖУРНАЛ    ~18,6

НАЈЧИТАНИ ОД СВЕТ
Филмски грабеж во Италија, од блиндирано возило украдени 2,3 милиони евра
Маж со автомобил удри во пешаци и си го уби својот 2-годишен син
Нови правила во ЕУ за брачните двојки од различни држави
Кина ќе се соочи со незапирлив пад на населението
САД го спуштија статусот на ЕУ
Ел Чапо му дал 100 милиони долари на претседателот на Мексико
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.