МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Никола Војминовски, осуден за нападот врз Зијадин Села избегал?
СДСМ и ВМРО ДПМНЕ во клинч за Антикорупциска комисија
Малолетничка подведувана на сексуални услуги
СДСМ: Заложбите на ВМРО-ДПМНЕ за борба против корупцијата се лажни
Технологија
LG SIGNATURE OLED TV R е првиот телевизор со екран кој се намотува и „крие“ во својата основа

LG SIGNATURE OLED TV R е првиот телевизор со екран кој се намотува и „крие“ во својата основа

среда, 09 јануари 2019, 13:35ч.   |   L.E.

 Живееме во време кога телевизорите стануваат се поголеми, а поради малите рамки околу екранот, сите ние се решаваме за што поголем екран за разлика од порано. Тука како фактор се разбира е и поголемата резолуција која овозможува одличен квалитет на големите екрани.

Меѓутоа, не сите би сакале да нивниот огромен телевизор биде главниот предмет кој привлекува внимание во дневната соба. Телевизорот е добро да е што поголем и да овозможи одлично искуство при гледање на филмови, серии, спорт и друго, меѓутоа без притоа собата да се претвори во мини кино сала.

 

Иако повеќето производители се обидуваат да го постигнат ова, па претставуваат се потенки телевизори, како и такви кои треба да личат на рамка за слика, па кога веќе се гледаат, да бидат и еден вид на украс, сепак LG го има досега најдоброто решение.

LG SIGNATURE OLED TV R е телевизорот за кој јас би почнал уште од сега да штедам, но сепак ќе чини повеќе од сумата што повеќето во Македонија ја плаќаат за автомобили на старо.

Овој телевизор кога не се користи изгледа како комода за телевизор, меѓутоа без телевизорот. Тоа е така затоа што неговиот екран е еластичен, односно се замотува и со тоа се сокрива во неговата основа.

 

Основата на телевизорот, покрај тоа што ги чува компонентите, е и звучник којшто треба да овозможи одличен звук, односно звук како со некој од подобрите soundbar уреди.

Инаку, се работи за 4K OLED телевизор којшто треба да ја овозможи една од најдобрите слики, со оглед на технологијата во која е направен. Иако не може уште сега да знаеме, од тоа што може да се види, екранот воопшто не се разликува од стандарден телевизор кога е одмотан.

Покрај можноста за целосно прикажување на екранот, како и негово сокривање, овој телевизор овозможува и делумно негово прикажување, односно одмотување, со цел гледање на временската прогноза, музичката листа и слично.

Се разбира, кога е целосно сокриен, тој повторно може да се користи, за слушање на музика, односно како класичен звучник.

Повеќе детали за LG SIGNATURE OLED TV R можете да погледнете на официјалната страна од LG, како и на видеото во продолжение.

© ЖУРНАЛ    ~39,13

НАЈЧИТАНИ ОД ТЕХНОЛОГИЈА
Huawei го воведува новиот ARM процесор со ултра-високи перформанси
Лансиран првиот смартфон со флексибилен екран (Видео)
LG SIGNATURE OLED TV R е првиот телевизор со екран кој се намотува и „крие“ во својата основа
Apple: Нови детали за 2019 iPhone смартфоните!
Nvidia ги донесе своите GeForce RTX графички картички на лаптоп компјутерите
Samsung им го покажа „превиткувачкиот“ Galaxy на мал број на клиенти на CES 2019?
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.