МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Никола Војминовски, осуден за нападот врз Зијадин Села избегал?
СДСМ и ВМРО ДПМНЕ во клинч за Антикорупциска комисија
Малолетничка подведувана на сексуални услуги
СДСМ: Заложбите на ВМРО-ДПМНЕ за борба против корупцијата се лажни
Авто
Светска премиера: Mercedes CLA зa 2019-та (фото/видео)

Светска премиера: Mercedes CLA зa 2019-та (фото/видео)

среда, 09 јануари 2019, 13:01ч.   |   L.E.

 Новата генерација на „Mercedes-Benz СLA“ е една од главните премиери на стартот на саемот во Лас Вегас за потрошувачка електроника „CES“. Идејата на моделот е да претстави комбинација помеѓу елеганција и спортски стил за да одговараат на новиот стил на брендот наречен „сензуална чистота“.

 

Седанот е изграден на „MFA“ платформата, специјално дизајнирана за компактни автомобили. Новиот „CLA“ добил „LED“ дневни светла во форма на бумеранг, како и повеќе налегната линија на покривот, а исто така и спортски браници. Од компанијата се категорични дека тоа е „најемотивниот автомобил во својата класа“.

По смената на генерациите „CLA“ пораснал минимално во димензии, што овозможува да се зголеми и просторот во кабината, претежно за патниците на задното седиште. Во исто време волуменот на багажникот е намален за 10 литри и веќе е 410 литри.

Моделот има добиено понизок центар на гравитација и стабилизатор за напречна одржливост. Достапни се изборни адаптивни амортизери. Алгоримамот за работа на електронскиот систем за одржливост е преработен целосно, за да одговара на карактеристиките на овој автомобил. Коефициентот на аеродинамичен отпор е 0,23, што е за 0,1 повеќе од рекордерот по овој показател – седанот „A-Class“. За тоа помагаат специјалните панели поставени под дното на возилото, како и активните елементи во решетката на ладилникот.

Новиот „Mercedes-CLA“ е опремен со функцијата „Interior Assistant“, која со помош на специјални сензори го препознава движењето на рацете на возачот и вклучува дополнително осветлување во кабината. Овој систем ќе работи само кога возилото не е во движење, за да не го одвлече вниманието на возачот.

Друга новина е системот „ENERGIZING Package Plus“, кој со помош на специјално развиен алгоритам ја активира климатизацијата, масажата, греењето и вентилацијата на седиштата, како и осветлувањето во кабината. Неговата цел е да му помогне на возачот да ужива во возењето. Дел од овој пакет е и виртуелен фитнес-инструктор „Energizing Coach“ кој ја одредува најпогодната програма за тренинг, земајќи ги во предвид физичките параметри на возачот.

Седанот добил и информациско-забавен комплекс „MBUX“, кој дебитираше кај четвртата генерација на „A-Class“. Кај него дигиталниот инструмент-панел е со дијагонала од 7 инчи и е обединет со екранот на информациско-забавниот систем со иста големина.

Новата „CLA“, исто така, ја има технологијата која е позајмена од предводникот „S-Class“. Тоа е полуавтономниот систем за управување, кој со помош на камери „гледа“ на 500 метри пред возилото. Таа работи со помош на адаптивен круз-контрол, систем за екстремно сопирање и функција за следење и промена на лентата на движење по потреба.

Во Лас Вегас ќе биде прикажана верзијата на „CLA“ со 2,0-литарски бензински турбомотор, кој развива 225 КС и 350 Nm вртежен момент. Работи во комбинација со 7-брзински автоматски менувач со две спојки.

Моделот ќе добие и „надуена“ модификација – „CLA 35“. Како и „A35 AMG“, таа исто така ќе се потпира на 2.0-литарски турбо мотор со 310 КС и 400 Nm вртежен момент. Ова ќе овозможи забрзување од 0 до 100 км/ч за 4,7 секунди.

© ЖУРНАЛ    ~45,15

НАЈЧИТАНИ ОД АВТО
SsangYong Rexton најдобар избор за парите според „4х4 Magazine“
Светска премиера: Mercedes CLA зa 2019-та (фото/видео)
Кој најмногу ги купува автомобилите на Tesla во Европа
Први фотографии од новата Opel Zafira Life
McLaren со нов Longtail следната недела
Ford со нов модел за пазарите на Стариот континент
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.