МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Град Скопје: Соработката со фирмата на партнерот на Царовска е законска
Претседателот ги потпиша указите за 21 закон
Трипуновски: Мојот отказ е политички реваншизам
Русковска: Ги добивме документите од Албанија за Груевски, но не откриваат ништо ново
Свет
Кина ќе се соочи со незапирлив пад на населението

Кина ќе се соочи со незапирлив пад на населението

вторник, 08 јануари 2019, 15:04ч.   |   Z.H.

 Кина ќе се соочи со незапирлив пад на популацијата во следните неколку декади. Се смета дека работниците во оваа земја повеќе не можат да го издржуваат сè постарото население, вели истражувањето на кое се повикува Си-ен-ен.

 
Истражувањето, кое доаѓа по повеќе од три години откако Кина официјално ја запре строгата и контроверзна програма преку која го ограничи населението да има само едно дете, предупредува дека ерата на негативен наталитет во најнаселената земја на светот следува по предвидувањата дека во 2019 година, Кина ќе има најмногу жители, односно ќе го достигне врвот со 1.44 милијарди луѓе.
 
Кинеската Академија за општествени науки вели дека намалувањето на наталитетот ќе доведе до целосно намалување на населението во земјата до 2065 година, слично како во 1990-тите години, кога Кина имала 1,172 милијарди жители. Податоците на Светска Банка од 2017 година покажуваат дека Кина моментално има 1,386 милијади жители.
 
Возраста на работоспособното кинеско население стагнира, а соодносот на невработени луѓе кои се зависни од вработените, пред сè пензионери и деца, продолжува да се зголемува. Долгорочно, стареењето на глобалната популација во Кина, според истражувањето, може да донесе голем број на социјални и економски последици.
 
Експертите предупредуваат дека зголемувањето на просечната возраст на работоспособното население ќе ги зголеми и домашните потреби на луѓето, што исто така може да предизвика сериозни последици на глобалната економија.
 
Откако изминаа неколку декади во кои во Кина владееше строгата политика за едно дете, во 2015 година Пекинг објави дека ја прекинува, а се смета дека оваа политика всушност предизвикувала голем број на инфантициди (убиства на бебиња и деца) и присилни стерилизации. Моментално, мнозинството на кинески семејства е ограничено на две деца.
 
На глобално ниво, истражувањата покажуваат дека во 2017 година светската популација изнесува 7,6 милијарди, а се проценува дека оваа бројка ќе ќе порасне до 8,6 милијарди до 2030, 9,8 милијарди до 2050 година и 11,2 милијарди до крајот на овој век. Индија, која е втора најнаселена земја во светот, се очекува да ја надмине Кина како најнаселена до 2024 година.

© ЖУРНАЛ    ~75,25

НАЈЧИТАНИ ОД СВЕТ
Норвешката министерка за здрвство порача: Пушете и пијте колку сакате
Русија ја коментираше победата на комичарот на претседателските избори во Украина
Фото: Едно лице е убиено, а седум се ранети, во инцидентот со пукање во училиште, во САД
Ким ја напушти Русија четири часа порано
Голема трагедија ја скрши Меркел
Украински министер кажа дека ќе влезе во Москва со тенкови, Русите одговорија со иронија
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.