МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Никола Војминовски, осуден за нападот врз Зијадин Села избегал?
СДСМ и ВМРО ДПМНЕ во клинч за Антикорупциска комисија
Малолетничка подведувана на сексуални услуги
СДСМ: Заложбите на ВМРО-ДПМНЕ за борба против корупцијата се лажни
Технологија
Samsung им го покажа „превиткувачкиот“ Galaxy на мал број на клиенти на CES 2019?

Samsung им го покажа „превиткувачкиот“ Galaxy на мал број на клиенти на CES 2019?

четврток, 10 јануари 2019, 13:02ч.   |   L.E.

Секоја година на CES можеме да прочитаме дека Samsung го има донесено својот екран или како сега, уред, кој може да се превиткува, а неговото претставување за јавноста само што не дошло на ред. Иако тоа се случува со години веќе, оваа година е годината кога ќе го видиме овој уред во форма наменета за продажба, но сепак за тоа ќе почекаме уште некој месец.

Наводно, според неофицијална изјава на директор на една од компаниите кои имале пристап до приватниот дел од штандот на Samsung на CES 2019, од компанијата им го имаат прикажано уредот.

Обично Samsung ова го прави за своите клиенти, како што се мобилните оператори на пример, со цел да можат да видат пред време што ќе понуди компанијата.

Според изјавата на директорот, уредот изгледал одлично кога ќе се отвори и воопшто не се забележувал делот каде што се превиткува екранот. Тој истакнал дека во тој дел не се забележувале никакви “бразди”, а Samsung имаат најдено одлично решение за прицврстување на екранот кога е отворен.

Тоа не е случајот, според присутните на CES 2019 со првиот официјално претставен уред на преклопување, FlexPai од калифорнискиот стартап Royole.

Тоа што технологијата се’ уште не го овозможува, а истото го видовме и од FlexPai, е целосно превиткување на екранот со цел да се допрат сите негови страни една со друга и да се добие навистина тенок уред. Од Samsung имаат најдено решение кое ќе биде дел од финалната верзија, решение кое ќе овозможи заштита од кршење и оштетување на екранот, но сепак да не се добие навистина дебел уред кога е превиткан.

Инаку, големината на екранот кај овој уред ќе биде 7,3 инчи кога е отворен, што е одлична големина како еден помал таблет компјутер. Кога е преклопен се добива екран со големина од околу 4,6 инчи.

Според дополнителни информации, Samsung планира да го продава овој уред по цена од околу 1.400 долари, а ќе ги таргетираат најмногу мажите од околу 40 години. Причината за тоа е што овие луѓе се навикнати и имаат користено телефони кои се преклопуваат, а исто така ќе ја ценат можноста за добивање на таблет формат повеќе од младите.

© ЖУРНАЛ    ~36,12

НАЈЧИТАНИ ОД ТЕХНОЛОГИЈА
Huawei го воведува новиот ARM процесор со ултра-високи перформанси
Лансиран првиот смартфон со флексибилен екран (Видео)
LG SIGNATURE OLED TV R е првиот телевизор со екран кој се намотува и „крие“ во својата основа
Apple: Нови детали за 2019 iPhone смартфоните!
Nvidia ги донесе своите GeForce RTX графички картички на лаптоп компјутерите
Samsung им го покажа „превиткувачкиот“ Galaxy на мал број на клиенти на CES 2019?
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.