Журнал - Новинска агенција

Zurnal.mk

Во Албанија 70 отсто од младите сакаат да ја напуштат земјата

Ахмети: Ако сакате интегрирана Македонија во НАТО и ЕУ ќе го поддржите референдумот
Бејли од Арктикот: Се гледаме на планинските врвови на Македонија
Џихадисти од Македонија раскажуваат: ИСИС е лажно исламско движење, видов масакри на ..
Бартол за МИА: Граѓаните во голем број да излезат на референдумот и да го кажат своет..

Регион

Во Албанија 70 отсто од младите сакаат да ја напуштат земјата
523-0-1dba6224b8bb5e5c066ca06332f75f5b.jpg

 Доколку им се даде и најмала можност дури 70 отсто од младите би ја напуштиле Албанија и би заминале во некоја од земјите на Европската унија.

 
Овие алармантни показатели се дел од извештајот објавен од страна на Националната мрежа за млади на Албанија (ANYN) и CRCA Албанија,во пресрет на Светскиот ден на младите, 12 август.
 
Алтин Хазизај, претседател на CRCA вели дека оваа тенденција е во постојан раст и оти извештајот евидентирал дека младите на целата територија на земјата се соочуваат со недостиг на социјални и економски политики.
 
– Повеќе од загрижувачки е фактот дека над 70 отсто од младите сакаат да емигрираат во земјите на Европската унија. Албанските граѓани не гледаат перспектива во својата земја и својот живот и нивниот напредок го гледаат во друга земја – вели Хазизај
 
Една од главните причини што младите сакаат да заминат и ја гледаат својата иднина надвор од земјата е невработеноста. Последната студија на Светската органзација за труд ја подредува Албанија на прво место по нивото на невработеност на младите.
 
– Доколку го поврзиме ова со податоците на Светската организација за труд, ILO, каде се наведува дека 32 отсто од младите во Албанија се невработени, тогаш албанската влада потфлила кога станува збор за младите во Албанија – додава Хазизај.
 
По повод Светскиот ден на младите, CRCA и Националната мрежа за млади меѓу другото бараат од албанската влада да го реализира ветувањето за одвојување од буџетот посебен фонд за спроведување на планот на делување за млади.
 09.08.2018, 15:22  | Z.H. | 30

 

© ZURNAL.mk

 Регион 

NAJCITANI
 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

18958
© 2018 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.