МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Промовиран Европскиот Ромски институт за уметност и култура во Македонија
Груевски може да бара азил по два основа, постапката би траела до 90 дена
ЕПП чека официјална реакција од Унгарија за Груевски
Утре започнува законската обврска за задолжително носење зимска опрема
Економија
Живеачката поскапе, цените на мало рипнаа за 2,8 отсто, поевтинија само книгите за 11 отсто

Живеачката поскапе, цените на мало рипнаа за 2,8 отсто, поевтинија само книгите за 11 отсто

понеделник, 09 јули 2018, 13:31ч.   |   Xh.I.

Трошоците на живот во јуни се непроменети во споредба со претходниот месец, а во однос на јуни лани бележат раст од 1,4 проценти, објави Државниот завод за статистика.

Според објавените податоци цените на мало бележат раст од 0,2 проценти во однос на мај годинава, а во однос на јуни лани раст од 2,8 проценти.

Објавените податоци покажуваат дека кај трошоците на животот е забележано движење во подгрупите, односно во споредба со претходниот месец, е забележан раст кај свежото и разладеното овошје за 4,8 отсто, замрзнатото овошје и сувото овошје и јаткастите производи за 0,4 отсто, јогуртот, замрзнатиот зеленчук освен компирот и другите коренести плодови за 0,3 отсто, сирењето и урдата, конзервираното овошје, шеќерот, џемот, медот и кондиторските производи и другите прехранбени производи за 0,2 отсто.

Пораст на индексите на трошоците на животот е забележан и кај течните горива за домаќинствата за 4,8  отсто, услугите за сместување за 3,7 отсто, течните горива и мазива како дел од опремата за сопствени сообраќајни средства, услугите за култура за 3,5 отсто, туристичките пакет-аранжмани за 2,8 отсто, гасот за домаќинствата
за 2,6 отсто, парамедицинските услуги за 2,2 отсто, стоматолошките услуги за 1,8 отсто, игрите, играчките и хобијата за 1,6 отсто, средствата за чистење и одржување на станот за 1,1 отсто, снабдувањето со вода и другите услуги во врска со станот за 0,6 отсто и обувките за 0,4 отсто.

Намалување на индексите на трошоците на животот во јуни 2018 година, во споредба со претходниот месец, е забележано кај свежиот и разладениот зеленчук, освен компирот и другите коренести плодови за 6,7 отсто, компирот за 2,2 отсто, рибата и морските плодови, маслото и маснотиите за 0,5 отсто.

Намалување на индексите на трошоците на животот е забележано и кај книгите за 11,3 отсто, авионскиот превоз на патници за пет отсто, дисковите, касетите, дискетите, цедеата, филмовите за 4,4 отсто, телефон и телефакс-опремата за 4,1 отсто, болничките услуги за 1,7 отсто, градините, растенијата и цвеќињата за 1,1 отсто, малите електрични апарати за домаќинствата за  еден отсто информатичката опрема за 0,8 отсто, фотографската и кинематографската опрема и оптичките инструменти за 0,6 отсто, големите електрични апарати за домаќинствата, услугите за лична хигиена за 0,5 отсто, опремата за прием, снимање и репродукција на звук и слики за 0,4 отсто, материјалите за одржување и поправки на станот и лековите за 0,2 отсто.

© ЖУРНАЛ    ~72,24

НАЈЧИТАНИ ОД ЕКОНОМИЈА
Поскапуваат бензините и дизелот
Бензините поевтинуваат за 4 и 4,5 денари
СДСМ: Септемвриската пензија зголемена за 1,8 отсто
Поскапување на горивата за еден денар
ММФ предвидува раст на македонската економија од 1,6 отсто
Бензините поевтинуваат за 3,5 денари, дизелот за 1,5 денари
МАРКЕТИНГ ИМПРЕСУМ КОНТАКТ

© 2009-2018 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.