МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Претседателот Пендаровски го прими германскиот амбасадор Герберих
Заев ги разреши сите претседатели на општинските ограноци на СДСМ
Јовески: Нема законски и било какви други пречки Интерпол да ја објави потерницата по..
Во Скопје ЗОО ќе се реновираат живеалиштата за кенгури и лавови
Македонија
Вмровците сакаат да се спасат како Бучковски со барањето за индиректна амнестија

Вмровците сакаат да се спасат како Бучковски со барањето за индиректна амнестија

петок, 20 јули 2018, 10:45ч.   |   Xh.I.

Во преговорите на лидерските средби претседателот на ВМРО-ДПМНЕ, Христијан Мицкоски, и неговата придружничка, Тања Каракамишева, побарале амнестија за обвинетите од 27 април, но и за дел од обвинетите во предметите на Специјалното јавно обвинителство. Премиерот, Зоран Заев, категорично го одби ваквиот услов. На прес коференција после средбата изјави дека нема да се прифаќа ниту директна ниту индиректна амнестија.

Зборот индиректна амнестија не постои во кривичното право, но е честа пракса во македонското судство. Правниците велат дека тоа би значело заташкување на предметите со цел обвинетите да куртулат од одговорност, а и ваквиот тек на процесите да не предизвика бурна реакција во јавноста. Вин вин ситуација и за власта и за опозицијата.

Неофицијално случајот со Владо Бучковски и судскиот процес против него за тенковски делови бил споменат како пример за таа евентуална индиректна амнестија. Тоа би значело пролонгирање на случаите, нивно влечкање и паѓање во заборав, па и нивно паѓање на суд откако на јавнота ќе и биде свртено вниманието кон нешто друго.

Антикорупционерката Слаѓана Тасева, за „Фокус“ вели дека за вакво барање не треба ни да се разговара.

-Една опција е да бараат амнестијата директна, односно да се донесе закон како и во други случаи што правеле. Индиректно значи се друго, односно да се избегнува водење постапки, нивно одолговлекување, да нема ефективни прсуди. Но тоа нам ни се случува цело време овие 20 години, постојано е некој амнестиран од одговорност и ставен во сферата на недопирливост. Мислам дека треба многу јасно да се каже „не“ на ова – вели Тасева.

Адвокатот, Алелсандар Тортевски, пак, вели дека доколку власта прифати вакво нешто ќе покаже дека и понатаму е во спрега со судството.

-Амнестија Заев може да донесе во парламент и тоа е во рамки на нивните овластувања. Тоа е прашање на политичка волја. Но тоа не би било во ред. Доколку Заев би го направил тоа, би ја изгубил поддршката на јавноста која бара правда и би покажало дека Заев на криминален начин го контролира судството – вели Тортевски.

Сепак Заев рече дека изрично одбива било каква амнестија. Освен тоа прифаќањето на индиректната амнестија би можел да ги загрози преговорите со ЕУ, затоа што Советот на министри на ЕУ датумот за почеток на преговори го услови со „обвиненија и конечни пресуди во случаите на корупција и организиран криминал“.

© ЖУРНАЛ    ~90,30

НАЈЧИТАНИ ОД МАКЕДОНИЈА
Вајгл: Има една незгодна работа за Македонија, а тоа е дека за неа се зборува во пакет со Албанија
Галетановски: Не сум ја навредувал Сиљановска лично, не е моја вина што секој ден има нов гаф
Мајката и двете ќерки целосно изгореле, телото на таткото било изгорено до половина
Ќе се менуваат законите за вработените во јавниот сектор и административните службеници
Анагностопулу: И да победи Сиљановска, на меѓународно ниво нема да направи ништо за Договорот од Преспа
Јахја Кемал: Секоја година пред уписите се шират невистини за нас
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.