МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Утре и задутре затворен патот Велес – Градско
Собраниската седница прекината, матичните комисии треба да ги разгледаат предлог-зако..
Заев: Начелно постои согласност за консензуален претседателски кандидат
ВМРО-ДПМНЕ: Граѓаните заслужуваат претседател, кој ќе ја води државата кон нови побед..
Свет
Туск: Европа, Кина, САД и Русија имаат заедничка должност да не го уништат светскиот поредок

Туск: Европа, Кина, САД и Русија имаат заедничка должност да не го уништат светскиот поредок

понеделник, 16 јули 2018, 12:55ч.   |   Z.H.

 Претседателот на Европскиот совет, Доналд Туск, ги повика лидерите на САД, Русија и Кина да соработуваат со Европа, за да се избегнат трговски војни и да се спречат конфликти и хаос во светот.

Туск на отворањето на самитот на Кина и ЕУ во Пекинг рече дека Европа, Кина, САД и Русија имаат „заедничка одговорност“ да не го уништат светскиот поредок, туку да го подобрат со реформа на меѓународните трговски правила.
 
„Затоа ги поттикнувам нашите кинески домаќини, како и претседателите Путин и Трамп, заедно да го почнеме тој процес на темелна реформа на Светската трговска организација. Сè уште има време да се спречат конфликти и хаос“, рече претседателот на Европскиот совет.
 
Тој минатата недела остро реагираше на постојаните критики на Трамп од европските сојузници и го повика да се присети кои му се пријатели кога ќе се сретне со Путин.
 
„Ние сите сме свесни за фактот дека архитектурата на светот се менува пред нашите очи и наша заедничка одговорност е да придонесеме за позитивни промени“, рече Туск неколку часа пред самитот на претседателите на САД и Русија, Доналд Трамп и Владимир Путин, во Хелсинки.
 
Кинескиот премиер Ли Кечијанг денеска рече дека Кина и ЕУ се согласиле да преземат чекори кон „зачувување на слободната трговија“ и глобалниот мултилатерален регулаторен систем. Тој ги пофали напорите за измени на правилата на СТО за кои Вашингтон тврди дека се надминати.
 
На прашањето дали Пекинг ја искористил денешната средба за да се обиде да создаде сојуз со ЕУ против Вашингтон, Ли рече дека спорот меѓу САД и Кина е билатерално прашање што двете земји треба да го решат.
 
„Нашиот самит не е насочен против ниедна трета земја“, рече Ли на заедничката прес-конференција со Туск.

© ЖУРНАЛ    ~76,26

НАЈЧИТАНИ ОД СВЕТ
Филмски грабеж во Италија, од блиндирано возило украдени 2,3 милиони евра
Маж со автомобил удри во пешаци и си го уби својот 2-годишен син
Нови правила во ЕУ за брачните двојки од различни држави
Кина ќе се соочи со незапирлив пад на населението
САД го спуштија статусот на ЕУ
Ел Чапо му дал 100 милиони долари на претседателот на Мексико
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.