Журнал - Новинска агенција

Zurnal.mk

Николовски: Системите за наводнување со години запоставувани

Шекеринска за "Different": Македонија се извлече од Балканската кал, граѓаните немат ..
Ангелов: Саздо не го убија Албанци, го убија три свирепи, злобни и сурови лица
Димовски: За избор на ДИК треба политичко усогласување
Алијансата за Албанците со решенија за спречување на лекарите да ја напуштаат држават..

Економија

Николовски: Системите за наводнување со години запоставувани
nikolovski_traktor.jpg

Системите за наводнување со години биле запоставени и затоа има и намалување на земјоделското производство и намалување на квалитетот. Оваа година ќе исплатиме 12 милиони евра за водоснабдувањето, а следува и сеопфатна реорганизација, вели министерот за земјоделство Љупчо Николовски во неделното интервју на Радио Слободна Европа.

– Не знам како може да бидат до толку запоставени системите за наводнување и воопшто државата да не инвестира, да не ги реконструира и не се насочи кон изградба на нови системи. Она што ние го потенциравме и што го ветивме пред граѓаните и е дел од нашата владина програма, е дека десет милиони евра годишно ќе даваме за системите за наводнување. Оваа година, само преку Програмата за рурален развој, ќе исплатиме 12 милиони евра кои се наменети за делот за водоснабдувањето, навеудва Николовски.

Започнуваме, дополнува, крупна реформа за реорганизација и трансформација на А.Д Водостопанство и се трудевме во оваа година да ги санираме сите проблеми кои ги имаме на терен. Имавме блокади, опструкции, нефункционални системи токму во екот на земјоделското производство. Тоа доведе до намалување на производството и намален квалитет на производството, посочува министерот.

Како што појаснува, пред два дена е претставена аналзиата која на почетокот на мандатот ја побарале од Делегацијата на Европската унија за влијанието на субвенциите на целокупниот развој, која ги покажала слабостите.

Анализата ќе биде предмет на опсежна работа во рамки на Министерството и институциите и покажува дека всушност нашиот систем не е компатибилен со политиките за земјоделство на ЕУ, потенцира министерот за земјоделство.

 01.07.2018, 11:06  | Xh.I. | 45

 

© ZURNAL.mk

 Економија 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

17503
© 2018 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.