Журнал - Новинска агенција

Zurnal.mk

Харадинај бара политичко примирје со Србија

Шекеринска за "Different": Македонија се извлече од Балканската кал, граѓаните немат ..
Ангелов: Саздо не го убија Албанци, го убија три свирепи, злобни и сурови лица
Димовски: За избор на ДИК треба политичко усогласување
Алијансата за Албанците со решенија за спречување на лекарите да ја напуштаат држават..

Регион

Харадинај бара политичко примирје со Србија
B635248E-C938-4581-AC3C-3E35E741359F_cx7_cy3_cw93_w1023_r1_s_2018711104238.jpg

 Косовскиот премиер, Рамуш Харадинај, на крајот на самитот за Западен Балкан во Лондон, информира дека на тамошните средби со високите претставници на Европската унија (ЕУ) го покренал прашањето на притисок што Србија го врши врз косовските Срби за напуштање на Безбедносните сили на Косово (ФСК), јавува дописникот на МИА од Приштина.

 
- Ја разбираме чувствителноста на односите меѓу Косово и Србија, на дијалогот, и подготвени сме да ги зачуваме овие односи. Но, потребно ни е политичко примирје – ако сакаме да има дијалог, треба да има и политичко примирје, изјави Харадинај за приштинската КТВ.
 
За вчерашните случувања, околу приведувањето на петмината Срби, осомничени за загрозување на безбедноста и уставниот поредок на Косово, Харадинај рече дека тоа е „реакција на инситуциите на редот и законот, по дојави од граѓани од српска националност дека добиле закани“.
 
- Секогаш се потребни две страни. Не може да се префрли одговорноста единствено на Косово, рече косовскиот премиер.
 
Косовската полиција вчера во Гњилане уапси пет лица за кои смета дека вршеле притисоци, им се заканувале и ги уценувале Србите припадници на ФСК за да ја напуштат таа формација.
 
Подоцна во текот на денот тие беа ослободени, по заканите од Белград дека ќе го прекине дијалогот со Приштина на неопределено време доколку петмината не бидат пуштени од притвор
 11.07.2018, 16:00  | Z.H. | 24

 

© ZURNAL.mk

 Регион 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

16827
© 2018 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.