МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
ЕУ бара Унгарија да објасни зошто Груевски доби азил
Пајат: САД веруваат дека Договорот од Преспа е во корист на двете земји
Унгарскиот министер за правда: Унгарија не може да го екстрадира Груевски, тој може д..
Димитров: Парадокс е земја членка на ЕУ да му даде заштита на осуденик
Македонија
Ангелов: Саздо не го убија Албанци, го убија три свирепи, злобни и сурови лица

Ангелов: Саздо не го убија Албанци, го убија три свирепи, злобни и сурови лица

вторник, 10 јули 2018, 16:10ч.   |   Xh.I.

„Свирепо убиство. Ништо помалку од ова треба да биде обвинението со кое Јавното обвинителство треба да продолжи да ги гони суровите и бездушни убијци, убијци кои безмилосно, до смрт го претепаа младиот Никола Саздовски, член на навивачката група Комити", пишува генералот Стојанче Ангелов, на својот Фејсбук профил.

„Правдата мора да биде истерана до крај. По секоја цена. Но тоа е обврска на државните институции. МВР ги пронајде убијците, двајца од нив веќе се во притвор, по третиот се трага и прашање на час е кога ќе заврши во притвор. Јавното обвинителство да обезбеди докази за преквалификување на делото во квалифицирано убиство, а Судот да ги осуди убијците со најстрога казна. За никогаш повеќе да не ни се повтори. За никогаш повеќе ниту една мајка, и ниту еден татко, да не останат без своето чедо на еден ваков суров начин, поради ваков нечовечен мотив“, пишува Ангелов на социјалните мрежи.

Генералот додава дека „на социјалните мрежи врие. Врие од тага, врие од бес, врие од омраза, врие од повици за освета. Но, да не заборавиме дека омразата раѓа нова омраза. Омразата се храни со омраза. Во овие тешки и болни моменти кога безмалку целата држава тагува по Саздо, многу е важно да разграничиме дека Саздо не го убија Албанците. Саздо го убија злосторниците Б.Б., Ј.Љ. и С.Д. Три свирепи, злобни и сурови лица, до смрт го претепаа Саздо“.

„Но бесот, омразата и повиците за одмазда нема да го вратат Саздо. Напротив, може да доведат до смрт на некој друг млад човек. Затоа, апелирам до сите. Денес не е ден за ширење омраза, денес не е ден за заговарање на освета. Денес е ден за жалење. Денес е ден за тага. Сите заедно да тажиме поради смрта на младиот Саздо. Да тажиме и да не заборавиме. Бидејки, време за акција има. Но не' осветничка акција во која ќе настрадаат и други, туку, акција со која ќе ја подигнеме општествената свест. Свеста дека омразата раѓа нова омраза. Свеста дека насилството носи ново насилство. Најискрено сочуство до семејството кое остана без своето чедо. Убијците нека скапат во затвор. Саздо нека почива во мир.", додава Ангелов.
 

© ЖУРНАЛ    ~199,71

НАЈЧИТАНИ ОД МАКЕДОНИЈА
Иво Котевски за „Пинк“: Заев ќе изгубеше на предвремени избори
Иванов може да го помилува Груевски, по негова молба или на Боркица, Мијалков или мајка му Нада
Емилија Александрова: Тоа што ме исклучија од ВМРО-ДПМНЕ го доживеав многу тешко, но не им се лутам
Интервју со Филип Ачкоски, топ едукатор: Расте интересот за здрав живот
Адеми до пратениците на ВМРО-ДПМНЕ: Се откажав од идеалот за Голема Албанија, понекогаш треба да направите отстапка
Николовски: Груевски останува во ВМРО-ДПМНЕ, не учествувал во обезбедувањето на 2/3 мнозинство
МАРКЕТИНГ ИМПРЕСУМ КОНТАКТ

© 2009-2018 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.