Журнал - Новинска агенција

Zurnal.mk

Ѕанакопулос: Договорот е политичка победа, се решава прашање старо 30 години

Ахмети: Ако сакате интегрирана Македонија во НАТО и ЕУ ќе го поддржите референдумот
Бејли од Арктикот: Се гледаме на планинските врвови на Македонија
Џихадисти од Македонија раскажуваат: ИСИС е лажно исламско движење, видов масакри на ..
Бартол за МИА: Граѓаните во голем број да излезат на референдумот и да го кажат своет..

Македонија

Ѕанакопулос: Договорот е политичка победа, се решава прашање старо 30 години
mkd-378879.jpg

Се работи за политичка победа, бидејќи се решава прашање што ја измачуваше земјата, но и Балканот над 30 години, оцени портпаролот на грчката влада и министер без ресор Димитрис Ѕанакопулос во интервју за грчката телевизија ЕРТ. Тие, како влада, како шшо вели, се задоволни и горди за она што го постигнале.

„Убеден сум дека со текот на времето и оние кои не се согласуваат или се спротивставуваат, ќе сфатат дека станува збор за неопходен политички и дипломатски компромис, кој и покрај тоа што е компромис, целосно ги заштитува и ги гарантира интересите на нашата земја. Вчера беше направен многу важен чекор за стабилизација на поширокиот регион на Балканот“, рече Ѕанакопулос.

Тој, како што пренесува МИА, во интервјуто говореше за придобивките за Грција од постигнатиот договор, во однос на ерга омнес, уставната ревизија и отстранувањето на иредентизмот.

Во врска со обвинувањата од опозициската Неа демократиа, Ѕанакопулос вели дека Мицотакис можеше да одбере критика поврзана со суштината на договорот.

„Премиерот и министерот за надворешни работи имаат надлежности за да потпишат меѓународни договори. Ако Мицотакис се сомнева во тоа дали владата има доверба од парламентот, не му преостанува ништо друго освен да достави предлог за гласање на недоверба на владата. Зошто не го стори тоа?“, рече Ѕанакопулос, одговарајќи на критиките од лидерот на опозицијата Кирјакос Мицотакис дека владата нема „правен легитимитет за да го потпише договорот“.
 

 13.06.2018, 15:53  | Xh.I. | 72

 

© ZURNAL.mk

 Македонија 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

35578
© 2018 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.