Журнал - Новинска агенција

Zurnal.mk

Кривични пријави за косовските министри и уставни судии за зголемувањето на платите

Одобрено обвинението за Чавков и петмина пратеници
Север: Договорот за името е голем чекор за целиот Балкан
Хан: Иванов да преземе одговорност за процесот за договорот со Грција
Ѕанакопулос: Договорот е политичка победа, се решава прашање старо 30 години

Регион

Кривични пријави за косовските министри и уставни судии за зголемувањето на платите
kosovo-parlament.png

 Пратеничката од опозициското Движење Самоопределување Албулена Хаџиу најави кривични пријави за косовскиот премиер Рамуш Харадинај и министрите во неговата Влада поради одлуката за двојно зголемување на сопствените плати, но и за членовите на Уставниот суд кои пресудија во полза на таа одлука.

 
 
Хаџиу, која во име на 30 пратеници на Собранието на Косово го поднесе во Уставен суд барањето за испитување на законитоста на одлуката на Харадинај, за весникот „Зери“ изјави дека одлуката на судот претставува злоупотреба на јавните пари.
 
Косовскиот Уставен суд, и покрај забелешката на Антикорупциската комисија дека се работи за конфликт на интереси, ја поддржа одлуката на Харадинај да си ја зголеми сопствената плата од 1.430 на 2.950, како и двојно да ги зголеми платите на другите членови на владиниот кабинет. Меѓутоа, корист од оваа одлука ќе имаат и самите членови на Уставниот суд, на кои платата им се покачува од досегашните 1.650 на 3.400 евра.
Харадинај вчера му наложи на министерот за финанси да ја спроведе ретроактивно одлуката за зголемување на платите, со што во јули ќе му се исплатат 3.000 евра плата и уште 9.000 евра ретроактивно од зглоемувањето на платата според одлуката од декември минатата година. Министрите исто така ќе инкасираат по околу десетина илјади евра.
 13.06.2018, 13:09  | Z.H. | 33

 

© ZURNAL.mk

 Регион 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

3375
© 2018 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.