МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Македонија - од една во друга партизирана администрација
ВМРО-ДПМНЕ ги повикува граѓаните на протест во недела: Македонија се гуши, ова црнило..
МВР: Казни од 200 до 500 евра за употреба на пиротехника
Семејството на убиениот Саздо бара 10 милиони денари отштета
Колумни
Екселенции, не можете вие да исчистите толку колку што ние можеме да извалкаме!

Екселенции, не можете вие да исчистите толку колку што ние можеме да извалкаме!

недела, 29 април 2018, 21:29ч.   |   B.M.

Пишува: Бранко Героски

Боже, боже, боже… Исусе Христе! Е ова навистина е шокантно, да не речам јебитачно. Ова е најсилен удар врз новата власт досега!

Вие, господо амбасадори на Холандија, на Велика Британија и на САД, ќе сте го чистеле кејот на Вардар. Демек, да ни покажете пример. Да ни одржите лекција по хигиена. Оти сме биле валкани. Тоа сакате да кажете, нели?

Па како не ви е срам!

Пред сѐ, ова е грубо мешање во внатрешните работи на ЈП „Комуналец“. Вие излегувате надвор од вашиот дипломатски мандат. Да сум јас некој во МНР, веднаш би ви упатил протестна нота и би ви се заканил дека ќе бидете прогласени за персони нон грата. Па не може само руски дипломати да бркаме, ало!

Освен тоа, ова е притисок врз градоначалникот Петре Шилегов. Кој сега не е само градоначалник на Скопје, туку и прв потпретседател на НАЛАС, бе! Вие немате поим што е тоа. Немам ни јас, ама Петре е прв потпретседател, а не втор или трет. Па малку ли е тоа за десет месеци власт? Само да се критикувало…

И вака ли се чисти?! Ве видов јас, екселенции, како чистевте и порано, покрај Вардар, на езерото Треска, на Маврово. Сте биле ли да видите како сте ичистиле? Пак на сите страни ѓубре до колена.

Едно да ви е јасно – не можете вие да исчистите толку колку што ние можеме да извалкаме!

Ова е чист популизам. Вие, екселенции, може да одлучувате кој, кога и како ќе чисти во вашите земји, а не во нашата. Добро, заради ова со НАТО и ЕУ, можеме да направиме компромис, можеме да бидеме чисти за меѓународна употреба, да речеме, но тука дома, ние сакаме да си бидеме валкани. Па не сакате белким и дома да се обезличиме, што би рекол Заев?

Е тоа не може! Ако не ви се допаѓа градот, ако ви е валкан, седете си сами во амбасадите и во резиденциите. Нам ни е убаво вака. Ние чистиме еднаш во три години и чисто ни е. Ај сега сиктер и друг пат – памет во глава!

© ЖУРНАЛ    ~139,47

НАЈЧИТАНИ ОД КОЛУМНИ
Признале или не, Митко Јанчев ни одржа лекција!
Отсутниот Грујо ќе го урне присутниот Заев?
Зошто во тоа колено?
Рибата Ванда исплива на површина
Лошите вести од ВМРО-ДПМНЕ се добри
Проблематичен до крај
МАРКЕТИНГ ИМПРЕСУМ КОНТАКТ

© 2009-2018 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.