Журнал - Новинска агенција

Zurnal.mk

Кривична пријава против Кирил Божиновски за исплата на 22.000 евра

Ахмети: Ако сакате интегрирана Македонија во НАТО и ЕУ ќе го поддржите референдумот
Бејли од Арктикот: Се гледаме на планинските врвови на Македонија
Џихадисти од Македонија раскажуваат: ИСИС е лажно исламско движење, видов масакри на ..
Бартол за МИА: Граѓаните во голем број да излезат на референдумот и да го кажат своет..

Македонија

Кривична пријава против Кирил Божиновски за исплата на 22.000 евра
Kiril-Bozinovski-770x470.jpg

Секторот за внатрешни работи Скопје, односно Единицата за економски и компјутерски криминал, до Основно јавно обвинителство за гонење на организиран криминал и корупција, поднесе кривична пријава против К.Б. (37) од Скопје и Х.Д. (44) од с. Пиперово, струмичко, поради постоење основи на сомнение дека сториле кривично дело “злоупотреба на службена положба и овластување“, со што е нанесена штета на буџетот на РМ во висина од 1.352.400 денари.

Според информациите од полицијата, документираните сознанија на извршување на кривичното дело, во текот на 2016 година, му претходело склучување на авторски договор помеѓу Г.Д., застапуван од Агенцијата за интелектуална сопственост АРТПИЦК Скопје и Владата на Република Македонија, во тоа време застапувана од К.Б. тогашен генерален секретар на Владата на РМ. Со тој договор Г.Д., на барање на Владата – Генерален секретеријат, се обврзал во периодот од 28.01. до 28.02. 2016 година, лично да изработи и достави авторско дело „Интелектуален труд – прибирање на информации и податоци, анализа, изготвување извештај и негово елаборирање за енергетски суровини од аспект на правната легислатива“. Вредноста на склучениот договор била проценета со бруто износ од 1.352.400 денари, буџетски средства кои требале да му се исплатат на Г.Д. откако во предвидениот рок ќе го достави авторското дело до нарачателот – Влада на Република Македонија, Генерален секретеријат.

Второпријавениот, пак, Х.Д. во својство на Заменик на министерот за економија, иако знаел дека Г.Д. не ги испочитувал договорените услови и рокови и не го доставил авторското дело за кое бил склучен договор, на 05.04.2017 година потпишал лажна изјава за завршена работа согласно барањата и договорните услови. Додека К.Б. во својство на Генерален секретар на Владата потпишал и издал наредба од буџетската сметка на Република Македонија на сметката на Г.Д. да се исплатат парични средства во вкупен износ од 1.200.000 денари без ДДВ со што на лицето му овозможиле противправна имотна корист и на тој начин го оштетиле Буџетот на Република Македонија за паричен износ од 1.352.400 денари.

 25.04.2018, 16:41  | Xh.I. | 109

 

© ZURNAL.mk

 Македонија 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

24153
© 2018 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.