Журнал - Новинска агенција

Zurnal.mk

Брисел утре ќе ги објави извештаите за прогресот: Препораката за Македонија е напишана

Пендаровски: Грција нема да го прекрши Договорот
Шекеринска за "Different": Македонија се извлече од Балканската кал, граѓаните немат ..
Ангелов: Саздо не го убија Албанци, го убија три свирепи, злобни и сурови лица
Димовски: За избор на ДИК треба политичко усогласување

Македонија

Брисел утре ќе ги објави извештаите за прогресот: Препораката за Македонија е напишана
evropska-komisija.jpg

Европската комисија утре ќе ги објави извештаите за прогресот на Македонија и другите земји кандидати во Стразбур. Според увидот на „Радио слободна Европа“ (РСЕ) во извештаите, невралгични точки во сите држави од Западен Балкан остануваат владеењето на правото, организираниот криминал и корупцијата, како синоними за секоја држава во регионот. Исто така, ЕК повторно во повеќе наврати го користи изразот „заробени држави“, со забелешка дека јавната управа во државите од регионот останува слаба, и малку или воопшто нема прогрес на полето на слобода на изразување.

Како што пренесува РСЕ, повторно се нагласува дека билатералните спорови и понатаму се главни пречки во процесот на евроинтеграција, и во претходниот период не е постигнат ниту еден резултат во решавање отворени прашања меѓу соседите. Овогодишен „шампион“ ќе биде Албанија, која по повеќе години заостанување ќе добие препорака за отворање пристапни преговори, а чиста препорака ќе биде повторена за Македонија. За Црна Гора се оценува дека е постигнато многу на хартија, но ништо во пракса. Патот на Србија кон ЕУ продолжува да зависи од пристапот кон нормализација на односите со Косово, а БиХ и Косово имаат во изминатата година забавување во реформските процеси.

Во врска со Македонија, во нацрт-извештајот се нагласува дека за понатамошен напредок на државата одлучувачки фактор е задржување и продлабочување на моментумот во процесот на итни реформски приоритети. ЕК изразува подготвеност да го поддржи тој процес со примена на засилен пристап за преговарачките подрачја за судството, основните права и слободи и слободата и безбедноста на државата.

Осврнувајќи се на мерките преземени на полето на миграцијата, во документот се заклучува дека бриселската помош за регионот уште во 2017 година резултирала со намален обем на миграциски бранови до 91 отсто. Се препознава улогата на Србија и на Македонија кои во документот се оквалификувани како доверливи партнери на тоа поле. Но ЕК смета дека постои простор за загриженост кога е во прашање трговијата со луѓе и мигранти.

 16.04.2018, 09:40  | Xh.I. | 58

 

© ZURNAL.mk

 Македонија 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

26411
© 2018 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.