МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Димитров: Од нас на 30 септември зависи нашата иднина и на нашите деца
Ексклузивно интервју на Канал 5 со министерот за култура Асаф Адеми
Ахмети од Куманово: Граѓаните да гласаат на референдумот, Македонија нема друга алтер..
МОСТ во извештај за референдумот го критикува апелот на Заев финансиски да се мотивир..
Македонија
Алими: Толпата бараше шиптарска крв и ги извикуваше имињата на Заев, Џафери и Села

Алими: Толпата бараше шиптарска крв и ги извикуваше имињата на Заев, Џафери и Села

понеделник, 16 април 2018, 12:36ч.   |   Xh.I.

Абдулфетах Алими, од собраниското обезбедување кој е обвинет во групата за 27 април, денес од притвор од Истражниот затвор во Шутка беше спроведен како сведок во судскиот процес за убиството во обид на Зијадин Села.

Алими во судница од десеттемина обвинети препозна двајца за кои рече дека ги видел во прес салата на Собранието. Пред судот сведочеше дека луѓето кои биле дел од толпата биле насилни, фрлале со разни предмети, ги извикувале имињата на Заев, Џафери и Села и, како што рече, барале шиптарска крв. Сведокот посочи дека за време на настаните забележал едно лице качено на стол кое, како што рече, ѝ командувало на групата кого да нападне, но бил со фантомка на глава. За лицата кои го тепале Села, Алими рече дека видел човек во бела маица како го удира Села со нога во стомакот, но на неговиот лик, рече дека не се сеќава и додаде дека се сеќавал на зборовите „оставете го човекот е мртов“.

„Од Клубот на пратеници јас и уште две лица го однесовме Села во бифето, му дадовме прва помош и баравме доктор. Ја држевме вратата оти толпата сакаше да влезе внатре, а за да ги тргнеме луѓето гласно извикувавме дека е повреден полицаец. Села беше целиот во крв, само тивко праша ‘каде ме носите’, јас му одговорив дека сум Фета од собраниското обезбедување, дека е тој во сигурни раце и дека додека сум јас жив и тој ќе биде на сигурно. Видов дека е тешко да излеземе од тука за да го изнесеме Села оти слушнав како зборуваат дека работата со Села не била завршена“, сведочеше Алими.

По ова тој раскажа дека за да го спасат го скриле под маса и побарал полицајци во цивилна облека. Откако стасале го маскирале Села со капа на глава, му ставиле значка и, извикувајќи дека е полицаец, успеале да излезат надвор и да го качат во блиндирано возило како што им кажал пратеникот Влатко Ѓорчев дека е најбезбедно. По сведочењето на Алими на денешното рочиште за убиството во обид на Села треба да сведочи уште еден член на обезбедувањето, како и пратеникот Мухамед Зекири.

© ЖУРНАЛ    ~87,29

НАЈЧИТАНИ ОД МАКЕДОНИЈА
Журнал дознава кои министерства Заев му ги понудил на Мицкоски да биде дел од Владата
Џихадисти од Македонија раскажуваат: ИСИС е лажно исламско движење, видов масакри на улиците и луѓе каков горат во кафези
Одбележани 16 години од убиството на двајца полициски резервисти во Гостивар
Бејли од Арктикот: Се гледаме на планинските врвови на Македонија
Весна Пешиќ: Не гледам зошто ви пречи да се викате Северна Македонија!
МВР со дупки во приказната за џипот
МАРКЕТИНГ ИМПРЕСУМ КОНТАКТ

© 2009-2018 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.