Журнал - Новинска агенција

Zurnal.mk

Авионот што се урна во Непал приоѓал кон пистата од погрешен правец (ВИДЕО)

Одобрено обвинението за Чавков и петмина пратеници
Север: Договорот за името е голем чекор за целиот Балкан
Хан: Иванов да преземе одговорност за процесот за договорот со Грција
Ѕанакопулос: Договорот е политичка победа, се решава прашање старо 30 години

Свет

Авионот што се урна во Непал приоѓал кон пистата од погрешен правец (ВИДЕО)
mkd-366460.jpg

 Авионот што се урна во престолнината на Непал, при што загинаа најмалку педесет луѓе, од погрешен правец приоѓал кон единствената писта што ја има аеродромот во тој град.

Ова го изјави генералниот менаџер на аеродромот Рај Кумар Четри.
 
Како што пренесува АП, снимката на разговорот меѓу пилотот и контролата за воздушен сообраќај укажува на тоа дека постоела конфузија во врска со прашањето од кој правец авионот би требало да слета.
Според зборовите на менаџерот на аеродромот, пилотот на авионот не ги следел инструкциите за слетување што му ги давала контролната кула и авионот „не бил во линија со пистата како што требало“ да биде.
 
Тој додаде дека контролната кула неколку пати прашала дали пилотот е добро и дека секој пат одговорот бил „да“.
 
Како што пренесоа медиумите претходно, на меѓународниот аеродром во Катманду излетал од пистата и се запалил авионот на компанијата „УС-Бангла“ од Бангладеш, во кој имало 67 патници и четири члена на екипажот, при што страдале најмалку 50 луѓе.
 
Ројтерс го објави ова повикувајќи се на неименуваниот портпарол на непалската војска, додека АП врз основа на податоците од тамошната полиција објави дека загинале најмалку 38 луѓе, а 23 биле повредени.
 
Би-би-си пренесува дека „Катманду пост“ јавил дека леталото се урнало во источниот дел на пистата на аеродромот „Трибуван“.
 
Се наведува дека од леталото биле спасени 17 лица. Авионот „Бомбардие деш 8 Кју400" со два пропелери долетал од Бангладеш.
 
На социјалните мрежи се појавија фотографии и видеоснимки на кои е прикажан чад што се крева од пистата.
 
Катманду пост објави дека се запрени сите летови од овој аеродром. 
 13.03.2018, 15:00  | Z.H. | 57

 

© ZURNAL.mk

 Свет 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

15240
© 2018 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.