Журнал - Новинска агенција

Zurnal.mk

Вајгл, Флекенштајн и Кукан во понеделник во Скопје

Одобрено обвинението за Чавков и петмина пратеници
Север: Договорот за името е голем чекор за целиот Балкан
Хан: Иванов да преземе одговорност за процесот за договорот со Грција
Ѕанакопулос: Договорот е политичка победа, се решава прашање старо 30 години

Македонија

Вајгл, Флекенштајн и Кукан во понеделник во Скопје
22022018091651_web_fleckenstein-vajgl-kukan.jpg

Европратениците Иво Вајгл, Кнут Флекенштајн и Едуард Кукан во понеделник во Скопје ќе учествуваат на 13. Конференција на Парламентарните комисии за европски прашања/интеграции на државите опфатени во процесот за стабилизација и асоцијација од ЈИЕ - Косап.

Засега нема информации дали тројцата пратеници ќе имаат официјални средби со претставници на парламентарните партии. Од канцеларијата на Вајгл во ЕП информираат дека во неговата агенда е само Косап.

Европратениците беа иницијатори на идејата за разговори во куќата на Жан Моне во Париз, но средбата на претставници на парламентарните групи беше одложен. Вајгл на крајот на јануари кажа дека тројцата пратеници решиле во февруари да дојдат во Македонија и дефинитивно да го договорат новиот датум на првиот состанок и темите што би биле усогласени за тој состанок. Првиот предвиден термин, минатиот месец, пропадна бидејќи европратениците не добија потврда од ВМРО-ДПМНЕ, која беше во процедура на избор на ново раководство.

Вајгл, Флекенштајн и Кукан ќе бидат гости-говорници на конференцијата која ќе има две сесии и тоа за Европските перспективи на Западен Балкан и владеењето на правото во Западен Балкан.

На отворањето ќе зборува претседателот на Собранието Талат Џафери, а како гости говорници на сесиите се најавени и евроамбасадорот Самуел Жбогар, Кристијан Вигенин, претседател на Комисијата за европски прашања и контрола на Европските фондови, амбасадорот на САД во Македонија Џес Бејли, како и министрите за надворешни и за правда на Македонија Никола Димитров и Билен Салији.

На конференцијата, најавено е, ќе биде усвоена заедничка изјава.

 22.02.2018, 09:44  | Xh.I. | 48

 

© ZURNAL.mk

 Македонија 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

37591
© 2018 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.