Журнал - Новинска агенција

Zurnal.mk

Научниците на праг на тестот за рано откривање на аутизмот

Одобрено обвинението за Чавков и петмина пратеници
Север: Договорот за името е голем чекор за целиот Балкан
Хан: Иванов да преземе одговорност за процесот за договорот со Грција
Ѕанакопулос: Договорот е политичка победа, се решава прашање старо 30 години

Здравје

Научниците на праг на тестот за рано откривање на аутизмот
autizam2.jpg

 Истражувањето кое е направено на Универзитетот Ворвик покажало дека кај децата со аутизам постои поголем степен на оштетени протеини, во споредба со децата кои го немаат тоа нарушување.

 
Истражувачите наведуваат дека новите тестови би можеле да доведат до порано откривање на оваа состојба, за која понекогаш е тешко да се постави дијагноза.
 
Стручњаците напоменуваат дека треба да се биде претпазлив и дека претсои многу работа додека тестот не биде сосема развиен.
Аутизмот влијае на однесувањето и социјалната интеракција, но тешко се воочува кај бебињата па дијагнозата се поставува обично околу втората година кај детето, а често и подоцна.
 
Во моментот не постојат биолошки тестови кои можат да ја откријат оваа состојба, а дијагнозата се поставува врз основа на лекарската проценка на однесувањето.
 
Во новата студија, чии резултати се објавени во магазинот „Молекуларен аутизам“, истражувачите трагале по хемиските разлики во крвта и урината на 38 аутистични деца и 31 дете кои го немаат тоа нарушување, на возраст од пет до 12 години.
 
Децата со аутизам имале повисоко ниво на оштетени протеини, особено во крвната плазма, а тоа е доведено во врска со полошото здравје.
 
Докторката Наила Рабани од Универзитетот Ворвик, која го водела истражувањето, рекла дека овие тестови со воочување на маркерите би можеле да им овозможат на лекарите порано да ја постават дијагнозата на аутизмот. Таа додала дека следниот чекот е реплицирање на заклучокот од студијата во другите групи. 
 20.02.2018, 14:40  | Z.H. | 117

 

© ZURNAL.mk

 Здравје 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

37296
© 2018 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.