Журнал - Новинска агенција

Zurnal.mk

Почнува судењето против Ивона Талевска за затајување данок

Одобрено обвинението за Чавков и петмина пратеници
Север: Договорот за името е голем чекор за целиот Балкан
Хан: Иванов да преземе одговорност за процесот за договорот со Грција
Ѕанакопулос: Договорот е политичка победа, се решава прашање старо 30 години

Македонија

Почнува судењето против Ивона Талевска за затајување данок
ivona_tyalevska.jpg

Во кривичниот суд денеска треба да почне судењето за новинарката Ивона Талевска во предметот на СЈО познат како „Тифани“. Името на предметот е од познатиот луксузен бренд за долна облека „Тифани“. СЈО ја обвини Талевска дека затајувала данок.

Според обвинението, Ивона Талевска како сопственик и управител на „Смарт центар“ ДООЕЛ експорт-импорт – Скопје и агенцијата „Смарт“ во периодот од 2008 до 2014 со намера таа и правните лица да избегнат плаќање даноци давала лажни податоци за фактите кои се однесуваат за пресметување данок.

Таа за наводните потреби на фирмите купила долна облека од 500 евра, облека во износ од 33.508 евра, очила, шминки за 1009 евра, луксузен мебел, сигурносни врати, велосипеди и слично. Фирмите на Талевска не платиле даночни обврски во износ од 37.634 евра, а обвинетата не платила данок во износ од 16.924 евра.

Судијката Софија Лаличиќ, која во бомбите разговараше со ексдиректорот на УБК, Сашо Мијалков, за избор на судии во кривичниот суд, ќе ја суди новинарката Ивона Талевска. Според распоредот на претседателот на судот, Иван Џолев, Лаличиќ суди во одделот за кривично-полнолетни.

Судијката од бомбите се иззема од сите предмети на СЈО. Кај неа не се падна за оценка ниту едно од обвиненијата на обвинителството на тимот на Јанева. Лаличиќ се иззема од судскиот предмет „Тотал“ против Драган Павловиќ – Латас. Дали тоа ќе го направи и овојпат останува да се види.

 19.02.2018, 09:22  | Xh.I. | 61

 

© ZURNAL.mk

 Македонија 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

15258
© 2018 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.