МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Шекеринска: Најголемиот успех со членството во НАТО е што првите ратификации дојдоа о..
Села ја откажа средбата со Заев
Кирацовски: Побарав таткото на мојата сопруга да се повлече од работното место
Возачот на автобусот кој се преврте и неговото семејство го напуштиле домот во Гостив..
Македонија
Вистината за 27 април ја видов на осми кат во штабот на ВМРО-ДПМНЕ, откри Нинџа

Вистината за 27 април ја видов на осми кат во штабот на ВМРО-ДПМНЕ, откри Нинџа

четврток, 06 декември 2018, 13:17ч.   |   Xh.I.

Обвинетиот Александар Василевски-Нинџа ги откри тајните релации што ги имал со УБК, релацијата со Сашо Мијалков, како и од каде доаѓале наредбите за тоа како да се делува во Собранието на 27 април.

Околу два часа во својот исказ пред судот Нинџа откри речиси сѐ, од неговите ангажмани во УБК, па сè до наредбите да се отворат вратите на Собранието, како и тоа дека дел од командно-оперативниот штаб на ВМРО-ДПМНЕ биле Кирил Божиновски, обвинетата Билјана Бришковска, Спиро Ристовски, Митко Чавков, како и Миле Јанакиески.

Според исказот на обвинетиот Нинџа, кој на судот му рече дека денес ја открива вистината за 27 април од своја гледна точка и дека она што го кажал било само дел од она што се случувало, наредбите и координацијата за тоа што да се прави и да се презема во Собранието на 27 април стасувале токму од споменатите лица, кои биле дел од командно-оперативниот штаб на ВМРО-ДПМНЕ, а тој ден издавале наредби од осмиот кат во штабот на ВМРО-ДПМНЕ. Овој факт, рече Нинџа, досега го чувал во себе и нагласи дека е убеден дека никој освен него не видел од каде доаѓаат наредбите.

Започна со протестите на „За заедничка Македонија“ и како што кажа, имал задача да следи дали има провокатори на овие протести. Со него биле Никола Бошкоски и Дејан Димковски-Боксер. А на протестите, како што рече, имало и патриотски здруженија. Тогашниот директор на УБК Владимир Атанасовски му дал насока да се види со Ченто, со кого се сретнал во кафуле на Кеј, а контактирал и со Игор Југ. Како датум кога ситуацијата почнала да зоврива Нинџа пред судот го спомена 15 април и нагласи дека се скандирало против „Тиранската платформа“ и против давањето мандат на Зоран Заев. Реториката на водачите на протестите Нинџа ја нарече „потпалувачка“.

„Дојде и 27 април“, рече Нинџа и нагласи дека никој, освен некој од обвинетите во судницата, не можел да знае што ќе се случи.

„Во 12.30 часот ми се јави Владимир Атанасовски. Ми рече да бидам во Скопје оти имало сознанија дека СДСМ нешто спрема и да чекам да ми се јави Бошкоски. Добиените информации беа дека СДСМ ќе избира претседател на Собранието. Ми се јави Спиро Ристовски и ми кажа да одам во штабот. Имав контакт и со Сашо Мијалков, кој ме викна и ми кажа ‘дојди во база‘. Базата беа хотелот ‘Мериот‘ и штабот на ВМРО-ДПМНЕ“, рече во својот исказ Нинџа.

На бараното место заминал во 18.10 часот, кога, како што рече, со Веле Петрушевски стасал пред гаражата „Тодор Александров“. Петрушевски останал во бифето, а Нинџа, како што рече, по навика, тргнал кон осми кат, но не ги видел обезбедувачите на Мијалков. Стиснал на 8 и лифтот застанал.

„Стасав на осми. Лево е тоалетот, на крајот е чајната кујна, а има и други простории. Мобилниот го оставив на столче, влегов во салата, а внатре не беше Мијалков, туку имаше други луѓе. Го забележав командно-оперативниот штаб на ВМРО-ДПМНЕ, односно Билјана Бришковска, Кирил Божиновски, Спиро Ристовски, Митко Чавков, Миле Јанакиески. Имаше пуштено ТВ-приемник и на ТВ Нова гледаа што се случува во Собрание. Седнав на една маса, а тие збореа на мобилните телефони. Бришковска комуницираше со Трајко Вељаноски и тој ѝ даваше насоки за состојбата внатре. Јанакиески и Ристовски комуницираа со Бетмен, а Кирил Божиновски ги викаше сите општински комитети да дојдат во Скопје по директива на ВМРО-ДПМНЕ. Чавков комуницираше со тогашниот началник на СВР, Ивица Вучевски, и Митко Пешов. По некое време во штабот дојде и Владимир Атанасовски“, откри за првпат пред судот обвинетиот Нинџа.

Откако ги кажа сите овие детали, односно, како што рече, за вистината што денес ја зборувал, Нинџа нагласи: „Сето тоа што се случи на 27 април беше координирано, а како што масата се движеше кон Собранието, наредбите беа сѐ подиректни“.

© ЖУРНАЛ    ~393,135

НАЈЧИТАНИ ОД МАКЕДОНИЈА
Заев: Имам информации дека Елизабета Канческа-Милевска нема да гласа за уставните измени
Повик на МОН за учество во комисија за измена на учебници
Богојески: Можеме и шестти пат да го промениме името
Поднесена кривична пријава за убиство во обид против телохранителот на Мијалков
ВМРО-ДПМНЕ: Заев натера повеќе од 70 отсто од граѓаните да сакаат да ја напуштат татковината
Журнал дознава: Владимир Ѓорчев, кандидат за Претседател од редовите на ВМРО-ДПМНЕ ?!
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.