Журнал - Новинска агенција

Zurnal.mk

Рама: Ќе продолжам да ги бранам Албанците во Македонија

Споменикот на Ќосето отстранет од пред Врховен суд
Почина ексминистерот за животна средина Абдилаќим Адеми
ЕВН ги санираше дефектите на среднонапонско ниво
Судскиот совет ќе расправа дали да поведе постапка за разрешување судија

Македонија

Рама: Ќе продолжам да ги бранам Албанците во Македонија
edi-rama-tvrdi-brat-mi-ne-e-uapsen-184613-1021x580.jpg

Албанскиот премиер, Еди Рама, за албанските медиуми изјави дека ќе продолжи да ги брани Aлбанците во Македонија. Kако одговор на обвинувањата што ги упати руската амбасада за неговата изјава дека неговата партија овозможила усвојување на Законот за јазици во Македонија, вели дека тој се чувствува горд кога го обвинуваат за заштита на Албанците.

„Ние немаме скриени агенди. Нашите агенди се јавни и кога има високи температури со соседите, спроведуваме нова надворешна политика која има дигнитет и тоа без разлика дали сме мала земја или не бидејќи на маса сме рамноправи“, изјави Рама.

Во врска со одбивањето на претседателот Ѓорге Иванов да го потпише указот за Законот за јазици, Рама вели дека не е изненаден.

„Јас би бил изнанаден ако тој го потпишеше Законот. Но тоа не го запира Законот да биде закон“, истакнува Рама.

Медиумите во Тирана оценуваат дека ова е одговор на албанскиот премиер во врска со острите критики од Русија за изјавата на Рама дека неговата Социјалистичка партија и влада овозможија усвојување на Законот за јазиците во Македонија.

 23.01.2018, 16:48  | I.Xh. | 30

 

© ZURNAL.mk

 Македонија 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

6088
© 2018 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.