МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Заев: Амнестиите се завршена работа
Теохаропулос: Во регионот се потребни политики далеку од национализмот
Малолетниците кои побегнаа да живеат заедно оти биле во врска се вратија дома
ЈОРМ: Не е загрозено правото на пензија на осигурениците
Македонија
ВМРО-ДПМНЕ ги повикува граѓаните на протест во недела: Македонија се гуши, ова црнило наречено СДСМ и Заев мора да си заминат час поскоро

ВМРО-ДПМНЕ ги повикува граѓаните на протест во недела: Македонија се гуши, ова црнило наречено СДСМ и Заев мора да си заминат час поскоро

петок, 14 декември 2018, 14:08ч.   |   Xh.I.

Република Македонија се гуши! Скопјани вчера ја плаќаа највисоката цена на неспособната влада на Зоран Заев кој ги лажеше дека ќе го репел проблемот со загадувањето. Граѓаните со месеци дишат загаден воздух полн со канцерогени ПМ 10 честички кој е штетен по нивното здравје. Мерните станици за квалитет на воздухот константно бележат енормно загадување на воздухот, велат од ВМРО-ДПМНЕ.

-Вчера вечер на мерната станица кај Ректорат се измерени 296 ПМ10 честички на метар кубен, во Центар 270 ПМ10 честички на метар кубен, во општина Карпош 235, додека во општина Бутел 220 ПМ10 честички на метар кубен. СДСМ не се грижи што граѓаните кои со месеци дишат отров, наместо чист воздух кој им го ветуваа. Напротив загадувањето се повеќе е проблем за сите граѓани. СДСМ, Заев и Петре Шилегов немаат преземено ниту една посериозна марка за намалување на загадениот воздух. Наместо да инвестираат во решавање на овој проблем кој е рак-рана за граѓаните, тие одвојуваат 1.6 милиони евра за лубриканти, над 700 илјади евра за цвеќиња и кафе, илјадници евра за морски плодови, а се делат и милиони евра во четири очи, стои во партиското соопштение и се додава:

„Граѓаните не заслужуваат никој да ги завива нивните судбини во црно. Затоа ВМРО-ДПМНЕ предлага конкретни мерки за решавање на проблемот со загадениот воздух. Итно зголемување на мерните станици ширум Македонија, субвенции за набавка на електрични автомобили и печки на пелети, субвенционирање сметките за електрична енергија на социјално загрозените семејства, забрана за употреба на петрол и кокс“.

МВР, потенцираат од партијата, мора го пренасочува движењето од централните градски подрачја на товарните возила и градежните машини, во услови на зголемена загаденост.

-Мора да се забрза процесот на гасификација кое беше едно од клучните предизборни ветувања на СДСМ како редовна контрола од надлежните инспекциски служби на котлите за горење и оџаците. Граѓаните мора да добијат бесплатен градски превоз додека трае загадувањето, а инспекциските служби, како на државно, така и на локално ниво, да работат на пронаоѓање на загадувачите во зимски услови 24 часа. Дивите депонии мора темелно да се чистат, а граѓаните да добијат бесплатна здравствена заштита доколку се утврди дека се директна жртва на аерозагадувањето. Доколку СДСМ, Заев и Шилегов се грижат за здравјето на граѓаните, мора веднаш да ги прифатат овие мерки.

Според ВМРО-ДПМНЕ, наместо решавање на проблемот со загадувањето, криминалниот картел на СДСМ, како што велат, е фокусиран на своите бизнис интереси и богатење на грбот на граѓаните.

-Затоа ВМРО-ДПМНЕ ги повикува граѓаните кои се против оваа ненародна и расипничка власт, да се придружат на протестот во недела во Велес во 13 часот. Македонија мора и може да оди напред само доколку ова црнило наречено СДСМ и Заев си заминат час поскоро.

© ЖУРНАЛ    ~132,44

НАЈЧИТАНИ ОД МАКЕДОНИЈА
Михаил Трендафилов-Нанче: Преродбата почнува од Охрид, тоа не е случајно. Ќе работиме домаќински и чесно за да изгрее новото сонце на слободата!
Заев: На пописот ќе има графа за етничка припадност, тоа е важно и за помалите заедници
Возачот на автобусот кој се преврте и неговото семејство го напуштиле домот во Гостивар
Милошоски направи математика на нова коалиција: СДСМ 49 + 2 ГРОМ + 3 БЕСА + 1 Амди…
Налепниците со „НМК“ ќе се делат бесплатно
Манчевски: Ние се боревме против партиски вработувања, Заев бара сите роднински вработувања да се повлечат
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.