МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Беља и Демири осудени на 19 години затвор за убиството на Саздо
ВМРО-ДПМНЕ: Сиљановска победи во 47 општини, СДСМ и коалицијата од 30 партии се пораз..
ЕУ повикува на излезност во вториот круг од изборите
Изборите добро спроведени, сé уште се потребни реформи на изборното законодавств..
Xроника
Прилепчани претепале двајца сограѓани, едниот од нив е во кома

Прилепчани претепале двајца сограѓани, едниот од нив е во кома

понеделник, 05 ноември 2018, 12:51ч.   |   Z.H.

 Прилепското обвинителство отвори истрага против четири лица за кривично дело „насилство“. Тие се осомничени дека претепале двајца нивни сограѓани, од кои едниот е во кома.

 
„Лицата се осомничени дека во саботата во Прилеп, во присуство на голем број граѓани, ја загрозиле сигурноста и нанеле тешки телесни повреди на двајца оштетени. По претходна вербална расправија помеѓу оштетените и еден од осомничените, тој телефонски ги повикал останатите осомничени и со патничко моторно возило марка ‘лада’ почнале да ги бараат оштетените низ градот. Откако ги пронашле, се симнале од возилото и се упатиле кон оштетените. Тројца од осомничените во рацете држеле дрва со должина од еден метар, додека еден во рацете имал нож со должина од 30 сантиметри“, соопшти Обвинителството.
 
Сите четворица почнале да ги удираат жртвите по главата и телото, притоа на едниот од нив му нанеле животно-загрозувачки повреди како последица на кои тој е неконтактибилен и се одржува во живот со помош на апарати, додека на второто нападнато лице му нанеле телесни повреди изразени со набиеници по главата и телото. Со ваквите дејства, велат од обвинителството, осомничените во јавноста предизвикале чувство на несигурност, загрозување и страв.
 
Надлежниот обвинител проценил дека за тројца од осомничените постои опасност од бегство, како и основан страв дека ќе ја попречуваат кривичната постапка и ќе влијаат врз сведоците. Поради тоа, до Основниот суд Прилеп е доставен и предлог за определување мерка притвор за овие лица.

© ЖУРНАЛ    ~114,38

НАЈЧИТАНИ ОД XРОНИКА
Синот на Илчо Захариев пронајден мртов
Починато лице пронајдено во објект во Бутел
НЛБ Банка се огласи по вооружениот грабеж, средствата на нашите клиенти се сигурни
Актерката Билјана Белицанец најдена мртва
Прегазен пешак во Ново Лисиче, загина на самото место
Скопјанец ја силувал 13-годишната ќерка, девојчето само пријавило во полиција
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.