Журнал - Новинска агенција

Zurnal.mk

Кадриу: Функцијата уставен судија носи голема одговорност

Великов Петков: Бугарија ја поддржува Македонија за влез во ЕУ
Средба меѓу Ципрас и Заев во Давос
Законот за јазици е пред Иванов - Внимателно ќе решава за вето
Донесениот Закон за јазиците предвидува двојазични униформи, печати, поштенски марки,..

Македонија

Кадриу: Функцијата уставен судија носи голема одговорност
kadriu1.jpg

 Новоизбраниот судија во Уставниот суд Осман Кадриу денеска по неговиот избор во Собранието на Република Македонија изјави дека покрај привилегиите што ги има оваа функција, таа носи и голема одговорност.

 
- Оваа функција е одговорна дотолку повеќе што и надлежностите на Уставниот суд се мошне значајни. Преку нив се остварува главниот интерес - интересот на општетството, на граѓаните. Да се штити правниот поредок, уставниот поредок на земјата, значи да се почитува Уставот на земјата, а да се почитува Уставот на земјата, значи да се сака земјата. Уставниот суд претставува стожер и чувар на уставниот поредок на земјата - истакна Кадриу.
 
Според него, донесениот Закон за јазици е во духот на Уставот и уставните норми затоа што прашањето за јазикот е уставна материја и се гарантира со Устав.
 
- Со Законот кој се носи само се предвидува техника, односно како да се оствари правото на албанскиот јазик да се применува како службен јазик во државата - рече Кадриу.
 
За Законот за СЈО за кој има поднесено повеќе иницјативи пред Уставниот суд, Кадриу рече дека одлука за ова ќе донесе Уставниот суд откако ќе бидат разгледани сите правни околности.
 
Дарко Костадиновски нагласи дека ќе ја извршува функцијата совесно, професионално и одговорно, а во однос на Законот за јазиците и Законот за СЈО рече дека ќе се изјасни кога ќе ги види законските решенија. 
 11.01.2018, 15:37  | Z.H. | 24

 

© ZURNAL.mk

 Македонија 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

44483
© 2018 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.