Журнал - Новинска агенција

Zurnal.mk

Коѕијас против референдум во Македонија: Тоа може да има многу негативни псоледици

Таравари: Нападот на наставниците во гостиварската гимназија досега невиден настан
Османи: Имплементацијата на планот 3-6-9 ги надмина и најоптимистичките прогнози, оче..
Нови рочишта за „Т.Н.Т“, „Транспортер“ и „Тендери“
Коѕијас - Димитров: Уште неколку спорни, но најтешки точки

Македонија

Коѕијас против референдум во Македонија: Тоа може да има многу негативни псоледици
ime_2.jpg

Според министерот за надворешни работи на Грција, Никос Коѕијас, не е потребен референдум во неговата земја за името на Македонија, бидејќи Владата има мнозинство во Парламентот, истовремено одвраќајќи го и северниот сосед од плебисцит за ова прашање.

И за Македонија не е добро решение спроведувањето референдум, изјави Коѕијас во интервју за грчката телевизија Антена, бидејќи „ако биде отфрлен, тоа би имало многу негативни последици“.

Поткрепувајќи го ваквиот став, тој потсети дека и референцата БЈРМ била прифатена во 1995 година без да биде одржан референдум.

Во интервјуто Коѕијас се осврна и на грчките позиции во разговорите, објаснувајќи дека коалицискиот партнер Панос Каменос, лидер на Независни Грци и министер за одбрана, е против употребата на зборот „Македонија“, но појасни дека „не станува збор за употребата на самиот збор, туку тој да не е на грчки јазик.

Прашан да ги прокоментира имињата што се вртат во јавноста, шефот на грчката дипломатија одговори дека Грција има свој предлог, со кој ќе биде запознаена македонската Влада за време на разговорите, дополнувајќи дека целта на Атина е да се најде „сложено име, кое може, но не е задолжително, да има географска одредница“.

Во однос на името „Славомакедонија“, тој кажа дека тоа не е прифатливо за Албанците.

„Грција претпочита како решение на спорот со Скопје сложено име, кое ќе ја разликува БЈРМ од грчка Македонија и ќе биде за целосна употреба“, изјави тој.

 11.01.2018, 12:14  | Xh.I. | 72

 

© ZURNAL.mk

 Македонија 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

5497
© 2018 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.