Журнал - Новинска агенција

Zurnal.mk

Апелација ќе сече кој останува во притвор

Ахмети: Ако сакате интегрирана Македонија во НАТО и ЕУ ќе го поддржите референдумот
Бејли од Арктикот: Се гледаме на планинските врвови на Македонија
Џихадисти од Македонија раскажуваат: ИСИС е лажно исламско движење, видов масакри на ..
Бартол за МИА: Граѓаните во голем број да излезат на референдумот и да го кажат своет..

Македонија

Апелација ќе сече кој останува во притвор
apelacija_2.jpg

До Апелацискиот суд пристигнале 18 жалби против продложување на притворите на осомничените за терористичко загрозување на уставниот поредок.

Апелацискиот суд денеска на јавна седница ги разгледуваше жалбите на дел од притворените за крвавите настани на 27 април во Собранието, информираат од Апелацискиот суд во Скопје.

Расправа на јавна седница побараа актерот Владо Јовановски и осомничените Горан Ѓошевски, Мунир Пепиќ и Оливер Поповски.

Префрлање на актерот Владо Јовановски од притворското одделение во Шутка во домашен притвор е барање на вишиот јавен обвинител Јово Цветановски. Тој побара домашен притвор или поблага казна за Јовановски.

На јавната седница се разгледуваа уште две жалби - на полицаецот Оливер Поповски и на Горан Ѓошевски, кој бил лично обезбедување на поранешниот собраниски спикер.

Одлуката на тричлениот судечки совет се очекува во текот на утрешниот ден.

Вишото јавно обвинителство смета дека мерката притвор е строга за актерот Јовановски. Со вакви ставови на јавната седница излегоа и адвокатите на Јовановски. Тие истакнаа дека станува збор за угледен човек кој меѓународно ја афирмирал македонската култура, кој нема намера да бега и да ја попречува истрагата, нема да го повтори делото или да влијае на сведоците.

Адвокатите на Ѓошевски и Поповски истакнаа дека станувало збор за професионалци, без дамки во работењето, семејни луѓе кои не правеле проблеми, поради што требало да им се овозможи да се бранат од слобода.

Обвинителот, пак, побара да се потврди одлуката на Кривичниот совет и на двајцата да им се продолжи притворот.

На јавна седница пред Алепацискиот суд утре ќе аргументираат адвокатите на разузнавачот Мунир Пепиќ и поранешниот началник Душко Лазаров.

До Апелацискиот суд пристигнале 18 жалби против продложување на притворите на осомничените за терористичко загрозување на уставниот поредок и безбедноста.

Кривичниот совет на Основниот суд Скопје 1, на 27 декември минатата година донесе одлука и го прифати предлогот на Обвинителството за организиран криминал и на 23 осомничени им го продолжи притворот за уште 30 дена, а на шест мерката куќен притвор.

 

Меѓу нив се и поранешниот министер за внатрешни работи Митко Чавков, пратениците Крсто Мукоски, Сашо Василевски и Љубен Арнаудов, како и Борис Дамовски, Игор Дурловски, Богдан Илиевски од „За заедничка Македонија". Притворените се товарат за терористичко загрозување на уставниот поредок и безбедноста. 

 10.01.2018, 23:35  | A.Z. | 60

 

© ZURNAL.mk

 Македонија 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

5006
© 2018 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.