МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
СДСМ: Ниту една постапка на Мицкоски нема да го запре напредокот на Македонија
Заев: Голема поддршка е што Словенија е точка за контакт со НАТО
Ерјавец: Словенија ја разбира жртвата што ја прави Македонија и дава безрезервна подд..
Сослушано обезбедувањето, блиски роднини на Груевски нема да сведочат
Економија
Почна аплицирањето за субвенции за откупувачите на сливи и пченица

Почна аплицирањето за субвенции за откупувачите на сливи и пченица

среда, 24 октомври 2018, 12:17ч.   |   Xh.I.

Откупувачите на сливи и преработувачи на пченица од денеска до 25 декември ќе може да поднесуваат барања за финансиска поддршка за откупени сливи и пченица од домашно производство од годинашната реколта.

Субвенции за откупени сливи може да добијат правни лица регистрирани за преработка на земјоделски производи и правни лица регистрирани за вршење на трговија со земјоделски производи запишани во Регистарот на откупувачи кои извршиле откуп на сливи од годинашната реколта од домашно производство.

– Финансиската поддршка се исплаќа за количините кои се откупени во период од 15 август до 15 септември 2018 година и за истите исплатата да е извршена најдоцна до 15 декември 2018 година по цена не пониска од 5 денари по килограм. Висината на поддршката изнесува 2 денари по килограм, информираат од Агенцијата за финансиска поддршка на земјоделството и руралниот развој.

Субвенции за пченица пак може да користат правни лица регистрирани за преработка на земјоделски производи запишани во Регистарот на откупувачи, кои извршиле откуп на пченица од годинашната реколта од домашно производство директно од земјоделските стопанства. Финансиската поддршка ќе се исплаќа за количините откупени најдоцна до 15 септември, а висината на субвенцијата изнесува еден денар по килограм.

Заинтересираните треба да поднесат барање најдоцна до 25 декември, а како документи треба да достават склучен договор со секое земјоделско стопанство, доказ за откупот и доказ за извршена исплата. Барањата со документите треба да се достават до писарницата на Агенцијата за финансиска поддршка во земјоделството и руралниот развој или по пошта на адресата „бул. Трета македонска бригада бр.20“, 1000 Скопје. Образците за поднесување на барањата може да се подигнат во Агенцијата или да се превземат од веб страната www.ipardpa.gov.mk, во делот „Директни плаќања 2018“, „Обрасци“.

Од Агенцијата информираат дека со цел стабилизирање на цената на доматите и повлекување на вишокот на производството од пазарот воведена е и дополнителна поддршка од седум денари по килограм за продадени домати во преработувачки капацитети во период од 27 јуни до 15 јули 2018 година.

© ЖУРНАЛ    ~66,22

НАЈЧИТАНИ ОД ЕКОНОМИЈА
Кој треба да се регистрира како ДДВ обврзник? Издаден водич од кој граѓаните ќе разберат дали се ДДВ обврзници
Голем интерес за закуп на земјоделско земјиште до 3 хектари
ЛИЦЕНЦИ ЗА ПАЗАРЏИИТЕ: Кој ќе бара повлекување на законот
До февруари засилени инспекциски контроли во приватните фирми за исплата на К-15, најави Државниот Инспекторат за Труд
Проект на ЕУ, МВР и НБРМ за поефикасна борба против фалсификување евра
Во РЕК Битола планирано исклучување на Блок 3
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.